കമ്പ്യൂട്ടർ പരിശീലന പദ്ധതി

ചൊക്ലി: ചൊക്ലി ഗ്രാമപഞ്ചായത്തിലെ ആശ വർക്കർമാർക്കായി നൽകുന്ന പഞ്ചദിന കമ്പ്യൂട്ടർ പരിശീലന പരിപാടിക്ക് ചൊക്ലി അക്ഷയ കേന്ദ്രത്തിൽ തുടക്കമായി. സംസ്ഥാന ആരോഗ്യ വകുപ്പും ഐ.ടി, അക്ഷയയും സംയുക്തമായാണ് കമ്പ്യൂട്ടർ പരിശീലനം നൽകുന്നത്. പരിശീലന പരിപാടി ചൊക്ലി ഗ്രാമ പഞ്ചായത്ത് പ്രസിഡൻറ്​ സി.കെ. രമ്യ ഉദ്ഘാടനം ചെയ്​തു. ചീഫ് മെഡിക്കൽ ഓഫിസർ ഡോ. എം. അമൃതകല അധ്യക്ഷത വഹിച്ചു. ചൊക്ലി ഗ്രാമ പഞ്ചായത്തംഗം എം. സന്തോഷ്, എം. റാഷിഖ്, റയീസ് പൂക്കോം, ഹസീന റാഷിഖ് എന്നിവർ സംസാരിച്ചു.