മുന്നേറ്റ യാത്രക്ക്​ സ്വീകരണം

ചക്കരക്കല്ല്: എസ്.കെ.എസ്.എസ്​.എഫ് മുന്നേറ്റ യാത്രക്ക് ഏച്ചൂരിൽ ഇന്ന് സ്വീകരണം നൽകുമെന്ന് നേതാക്കൾ വാർത്തസമ്മേളനത്തിൽ അറിയിച്ചു. മുണ്ടേരി, കമ്പിൽ, അഞ്ചരക്കണ്ടി മേഖലയുടെ സ്വീകരണമാണ് ഉച്ചക്ക് രണ്ടിന് സി.ആർ ഓഡിറ്റോറിയത്തിൽ നടക്കുക. സിദ്ദീഖ് ഫൈസിയുടെ അധ്യക്ഷതയിൽ മാണിയൂർ അഹ്‌മദ്‌ മുസ്‌ലിയാർ ഉദ്ഘാടനം ചെയ്യും. വാർത്തസമ്മേളനത്തിൽ പി.വി. സിദ്ദീഖ് ഫൈസി വെണ്മണൽ, കെ.പി. മുഹമ്മദ്‌ ഹാജി ഓടക്കാട്, സി.പി. അബ്​ദുല്ല ഫൈസി, എൻ.കെ. ജമീൽ എന്നിവർ പങ്കെടുത്തു.