തലശ്ശേരിയിൽ കിണർ ഇടിഞ്ഞു; പൊലീസുകാരുടെ കുടിവെള്ളം മുട്ടി

തലശ്ശേരി: പാലിശ്ശേരിയിൽ പ്രവർത്തിക്കുന്ന പൊലീസ് അസി.കമീഷണർ ഓഫിസ് പരിസരത്തെ കിണർ വീണ്ടും ഇടിഞ്ഞു. ബുധനാഴ്ച രാത്രി കനത്ത മഴയിലാണ്​ ഇടിച്ചിൽ. ആൾമറയടക്കം തകർന്നു. ഇതേത്തുടർന്ന് പൊലീസ് ഓഫിസർമാരുടെ ക്വാർട്ടേഴ്സിലേക്കുള്ള ശുദ്ധജല വിതരണം തടസ്സപ്പെട്ടിരിക്കുകയാണ്. ഇതിനുമുമ്പും ഇൗ കിണറിലേക്ക് മണ്ണിടിഞ്ഞ് വീണിരുന്നു. അന്ന് സ്ഥലം പരിശോധിച്ച ഉദ്യോഗസ്ഥർ കിണർ നവീകരിക്കാൻ കഴിയില്ലെന്നും മൂടുന്നതാണ് നല്ലതെന്നും അഭിപ്രായപ്പെട്ടിരുന്നു.