​ കെ.എസ്​.ഇ.ബി വാഴകൃഷി നശിപ്പിച്ചെന്ന്​

പെരിങ്ങത്തൂർ: പുല്ലൂക്കരയിൽ വാഴകൃഷി നശിപ്പിച്ചതായി പരാതി. പുല്ലൂക്കര പീടികയിൽ പ്രദീശ​‍ൻെറ വാഴത്തോട്ടമാണ് വൈദ്യുതി അധികൃതർ നശിപ്പിച്ചത്. വീട്ടിനടുത്തുകൂടി കടന്നുപോകുന്ന രണ്ട്​ വൈദ്യുതി ലൈനിനടുത്താണ് വാഴകൃഷി. രണ്ട് ടവറുകൾ തമ്മിലുള്ള അകലം വളരെ കൂടുതലായതിനാൽ ഇവിടെ കമ്പികൾ വളരെ താഴ്ന്നാണ് കിടക്കുന്നത്. കോഴിക്കോട് ജില്ലയിലെ കായപ്പനിച്ചി മുതൽ പുല്ലൂക്കരയിലെ പള്ളിക്കുനി താഴെവരെ നീണ്ടു നിൽക്കുന്നതാണ് ലൈൻ. സ്ഥിരമായി ഇവിടെ ലൈൻ താഴ്ന്നുകിടക്കുന്ന വിവരം നേര​േത്ത നാട്ടുകാർ അധികൃതരെ അറിയിച്ചിരുന്നതായി പറയുന്നു. ഉപജീവനത്തിനായി വാഴകൃഷിപോലും ചെയ്യാൻ കഴിയാത്ത അവസ്ഥയാണ് ഇത് കാരണമുണ്ടായതെന്ന് കർഷകർ പറയുന്നു.