എസ്.കെ.എസ്.എസ്.എഫ്​ മുന്നേറ്റയാത്ര നാളെ

കണ്ണൂർ: അസ്തിത്വം- അവകാശം -യുവനിര വീണ്ടെടുക്കുന്നു എന്ന പ്രമേയമുയർത്തി എസ്.കെ.എസ്.എസ്.എഫ് സംസ്ഥാന അധ്യക്ഷൻ പാണക്കാട് ഹമീദലി ശിഹാബ് തങ്ങൾ നയിക്കുന്ന മുന്നേറ്റ യാത്രക്ക്​ ശനിയാഴ്ച ജില്ലയിൽ അഞ്ചു കേന്ദ്രങ്ങളിൽ സ്വീകരണം നൽകുമെന്ന്​ ഭാരവാഹികൾ വാർത്താസമ്മേളനത്തിൽ അറിയിച്ചു. കരിയാട്​ രാവിലെ ഒമ്പതിന്​ കെ. മുരളീധരൻ എം.പി ഉദ്​ഘാടനംചെയ്യും. പെരിങ്ങത്തൂരിനടുത്ത് കരിയാടും 11ന് ഇരിക്കൂറും രണ്ടിന് ഏച്ചൂരിലും നാലിന് വളപട്ടണത്തും ആറിന്​ തളിപ്പറമ്പിലും സ്വീകരണം നൽകും. വാർത്താസമ്മേളനത്തിൽ ജില്ല സ്വാഗതസംഘം ചെയർമാൻ സഫ്​വാൻ തങ്ങൾ ഏഴിമല, ജനറൽ കൺവീനർ അബ്​ദുൽ ബാഖി, ജില്ല പ്രസിഡൻറ്​ അബൂബക്കർ യമാനി, ജനറൽ സെക്രട്ടറി അബ്​ദുൽ നാസർ ഫൈസി പാവന്നൂർ എന്നിവർ പ​ങ്കെടുത്തു.