ജില്ല ആശുപത്രി ജീവനക്കാരെ മർദിച്ച സംഭവം: കണ്ണൂർ എൻജിനീയറിങ് കോളജ് പി.ആർ.ഒ അറസ്​റ്റിൽ

അഞ്ചരക്കണ്ടി: കണ്ണൂർ ജില്ല ആശുപത്രി ജീവനക്കാരെ മർദിച്ച സംഭവത്തിൽ കണ്ണൂർ എൻജിനീയറിങ് കോളജ് പി.ആർ.ഒ അറസ്​റ്റിൽ. അഞ്ചരക്കണ്ടി ചിറമ്മൽ പീടികക്ക് സമീപം ഗിരീഷിനെയാണ് എസ്.ഐ ബിജുപ്രകാശ് അറസ്​റ്റ്​ ചെയ്തത്. ഏതാനും ദിവസം മുമ്പാണ് ജില്ല ആശുപത്രി ജീവനക്കാർക്ക് അഞ്ചരക്കണ്ടി മെഡിക്കൽ കോളജ്​ ആശുപത്രിയിൽ നിന്ന് മർദനമേറ്റത്. കോവിഡ് ആശുപത്രിയായിരുന്ന ഇവിടെ സർക്കാർ നൽകിയ വിവിധ ഉപകരണങ്ങൾ തിരികെയെടുക്കാൻ വന്നപ്പോൾ സുരക്ഷ ജീവനക്കാരുടെ നേതൃത്വത്തിലുള്ള സംഘം മർദിച്ചുവെന്നാണ് കേസ്. ആശുപത്രി അധികൃതർ വിളിച്ചു വരുത്തിയ പുറത്തുനിന്നുള്ള സംഘവും മർദിച്ചവരിൽ ഉണ്ടായിരുന്നുവെന്ന് ജീവനക്കാർ പരാതിപ്പെട്ടിരുന്നു.