മയ്യിൽ-കാഞ്ഞിരോട് റോഡ്: ജനകീയ ആക്​ഷൻ കമ്മിറ്റി രൂപവത്​കരിച്ചു

കാഞ്ഞിരോട്: മയ്യിൽ- കാഞ്ഞിരോട് റോഡ് ടാറിങ്​ പ്രവർത്തന കാലാവധി കഴിഞ്ഞ് ആറ് മാസമായിട്ടും പകുതി റോഡ് പണി പോലും തീരാത്ത സഹചര്യത്തിൽ കാരാറുകാരായ കൺസ്ട്രക്​ഷൻ കമ്പനിക്കെതിരെ നാട്ടുകാരുടെ പ്രതിഷേധം ശക്തമാകുന്നു. ഇതിനെതിരെ സമരം ആവിഷ്​കരിക്കുന്നതി​ൻെറ ഭാഗമായി പുറവൂർ എ.എൽ.പി സ്കൂളിൽ ചേർന്ന നാട്ടുകാരുടെ യോഗം ജനകീയ ആക്​ഷൻ കമ്മിറ്റിക്ക് രൂപം നൽകി. ചെയർമാനായി അഷ്റഫ് പുറവൂരിനെയും വൈസ് ചെയർമാനായി കെ. പ്രമോദിനെയും ജനറൽ കൺവീനറായി സി.പി. നജീബിനെയും തെരഞ്ഞെടുത്തു. പി. ദിലീപ് കുമാർ, ജി.വി. ഫൽഗുനൻ, കെ.ടി. ജസീർ, യു. സജീർ, എം.വി. സന്തോഷ്, യു. സുജിത്ത്, എം.പി. ഫാറൂഖ്, രാജേഷ്, കെ. പ്രദീഷ് (കൺ.) എം.പി. റംഷാദ് (ട്രഷ.) എന്നിവരാണ്​ മറ്റു ഭാരവാഹികൾ.