ഐക്യദാർഢ്യ ധർണ

പയ്യന്നൂർ: ഡൽഹിയിൽ നടക്കുന്ന കർഷക സമരത്തിന് ഐക്യദാർഢ്യം പ്രകടിപ്പിച്ച് പയ്യന്നൂരിൽ ധർണ നടത്തി. പയ്യന്നൂർ ഹെഡ്‌ പോസ്​റ്റ്​ ഓഫിസിനു മുന്നിൽ ധർണ പയ്യന്നൂർ ചേംബർ ഓഫ് കോമേഴ്സ് പ്രസിഡൻറ് കെ.യു. വിജയകുമാർ ഉദ്ഘാടനം ചെയ്തു. യൂത്ത് വിങ്​ ജില്ല ജനറൽ സെക്രട്ടറി സായി കിഷോർ അധ്യക്ഷത വഹിച്ചു. ജനറൽ സെക്രട്ടറി വി. നന്ദകുമാർ, അനൂപ്, വിപിൻ ചന്ദ്രൻ, എം.ജി. അനിൽ, മനോജ് കാർത്തിക, പത്മനാഭൻ, സുനിൽ ഗേറ്റ്, സജിൽ എന്നിവർ സംസാരിച്ചു. യൂത്ത് വിങ്​ പയ്യന്നൂർ യൂനിറ്റ് പ്രസിഡൻറ് ടി. ബിജു സ്വാഗതവും ജനറൽ സെക്രട്ടറി ഷാജി ഫോക്കസ് നന്ദിയും പറഞ്ഞു.