വായനശാലക്ക​ുനേരെ ആക്രമണം

കണ്ണാടിപ്പറമ്പ്: ചേലേരി എ.യു.പി സ്​കൂളിനു സമീപം പ്രവർത്തിക്കുന്ന നേതാജി വായനശാല ആൻഡ്​ ഗ്രന്ഥാലയത്തിന​ു നേരെ ആക്രമണം. കഴിഞ്ഞ ദിവസം പുലർച്ച ര​േണ്ടാടെയാണ് സംഭവം. ബൈക്കുകളിലായി എത്തിയവരാണ് ആക്രമണത്തിന് പിന്നിലെന്നാണ് സൂചന. ശബ്​ദം കേട്ട് അടുത്തുള്ള വീട്ടുകാർ ഉണർന്നതോടെ ആക്രമികൾ ബൈക്കിൽ രക്ഷപ്പെട്ടതായി സമീപവാസികൾ പറഞ്ഞു. രണ്ട് നിലയിലായി പ്രവർത്തിക്കുന്ന വായനശാലയുടെ ജനൽ ചില്ലുകൾ ഭൂരിഭാഗവും തകർന്നു. അകത്തെ പുസ്​തകങ്ങൾക്കോ ഫർണിച്ചറിനോ കേടുപാട് സംഭവിച്ചിട്ടില്ല. ഭാരവാഹികൾ മയ്യിൽ പൊലീസിൽ പരാതി നൽകി.