കാർത്തികപുരം ടൗൺ അടച്ചു

കാർത്തികപുരം: കാർത്തികപുരത്തെ യുവാവിന് കോവിഡ് പോസിറ്റിവായതിനെ തുടർന്ന് ടൗൺ അനിശ്ചിതകാലത്തേക്ക് അടച്ചു. തലശ്ശേരിയിലെ തുണിക്കടയിൽ ജോലി ചെയ്തിരുന്ന കാർത്തികപുരം സ്വദേശിയായ യുവാവ് ഓണാവധിക്ക് നാട്ടിലെത്തി പനി വന്നപ്പോൾ ഉദയഗിരി കുടുംബാരോഗ്യ കേന്ദ്രത്തിൽ പരിശോധന നടത്തിയപ്പോഴാണ്​ കോവിഡ് പോസിറ്റിവായത്​. യുവാവിനെ അഞ്ചരക്കണ്ടി മെഡിക്കൽ കോളജിൽ പ്രവേശിപ്പിച്ചു. യുവാവ് കാർത്തികപുരത്തെ പല കടകളും സന്ദർശിച്ചതിനെ തുടർന്നാണ്​ 13,14 വാർഡ് ഉൾപ്പെടുന്ന കാർത്തികപുരം ടൗൺ അടച്ചിടാൻ തീരുമാനിച്ചത്​.