പരവനടുക്കം ജി.എം.ആർ.എച്ച്‌.എസ് ഗേൾസ് സ്കൂളിന് ചരിത്ര നേട്ടം

കാസർകോട്​: എസ്​.എസ്​.എൽ.സി ഫലത്തിൽ . എട്ട് ഫുൾ എ പ്ലസും ഏഴ് പേർ ഒമ്പത് എ പ്ലസും നേടിയ സ്​കൂൾ സംസ്​ഥാനത്ത്​ ഒന്നാമതാണ്​​. തുടർച്ചയായി പതിമൂന്നു വർഷവും നൂറ് ശതമാനം വിജയവുമായി പരവനടുക്കത്തെ പെൺകുട്ടികൾ മിടുക്ക്​ തെളിയിച്ചു. സംസ്ഥാനത്ത് എസ്.ടി ഡിപ്പാർട്മൻെറിന് കീഴിൽ 18 എം.ആർ.എസ് സ്കൂളുകളാണുള്ളത്. കോവിഡ്‌ പ്രതിസന്ധിയിലും 35 പെൺക​ുട്ടികളാണ് പരീക്ഷ എഴുതിയത്. ലോക്​ഡൗണിനുശേഷം എഴുതിയ കണക്ക്, ഫിസിക്‌സ്, കെമിസ്‌ട്രി പരീക്ഷകളിലെല്ലാം മികച്ച വിജയമാണ് കൊയ്തത്. മലയാളത്തിലും ഐ.ടിയിലും എല്ലാവർക്കും എ പ്ലസും ബയോളജിയിൽ 32 പേർക്കും ഹിന്ദിയിൽ 32 പേർക്കും എ പ്ലസ് ലഭിച്ചു. 14 അധ്യാപകരുടെ പരിശ്രമത്തി​ൻെറയും കലക്​ടർ ചെയർമാനായ എക്​സിക്യൂട്ടിവി​ൻെറയും ഫലമായാണ് മികച്ച വിജയം ലഭിക്കാൻ കാരണമെന്ന്​ സീനിയർ സൂപ്രണ്ട് കെ.വി. രാഘവൻ, ഹൈസ്കൂൾ വിഭാഗത്തി​ൻെറ ചുമതലയുള്ള കെ. സുരേഷ്​, ഹയർ സെക്കൻഡറി സ്കൂളി​ൻെറ ചുമതലയുള്ള പ്രിൻസിപ്പൽ ഷീല എന്നിവർ പറഞ്ഞു.