ബ്രേക്ക്​ ദി ചെയിൻ ഡയറി പ്രകാശനം ചെയ്തു

ചെറുവത്തൂർ: കോവിഡ്​ സമൂഹ വ്യാപന ഭീഷണി നിലനിൽക്കെ സമൂഹ ജാഗ്രത ഉണർത്തുന്നതി​ൻെറ ഭാഗമായി സംസ്ഥാന വ്യാപകമായി വി.എച്ച്​.എസ്.ഇ നാഷനൽ സർവിസ് സ്കീം വളൻറിയർമാർ ഓട്ടോ -ടാക്സി ഡ്രൈവർമാർക്കും കടയുടമകൾക്കും ബ്രേക്ക് ദി ചെയിൻ ഡയറി വിതരണം ചെയ്യും. ചെറുവത്തൂർ ഗ്രാമ പഞ്ചായത്ത്‌ പരിധിയിൽ കാടങ്കോട് ഗവ. ഫിഷറീസ് വി.എച്ച്​.എസ്.എസിലെ എൻ.എസ്.എസ് യൂനിറ്റാണ് കാമ്പയിൻ ഏറ്റെടുത്തിട്ടുള്ളത്. ചന്തേര ജനമൈത്രി പൊലീസി​ൻെറയും ചെറുവത്തൂർ സാമൂഹികാരോഗ്യ കേന്ദ്രത്തി​ൻെറയും പൂർണ സഹകരണത്തോടെ നടപ്പിലാക്കുന്ന കാമ്പയിന്​ എല്ലാ ഓട്ടോ തൊഴിലാളി സംഘടനകളുടെയും വ്യാപാരി സംഘടനകളുടെയും പങ്കാളിത്തവും മോണിറ്ററിങ്ങും ഉറപ്പുവരുത്തിയിട്ടുണ്ട്. കാടങ്കോട് സ്കൂളിൽ നടന്ന ചടങ്ങിൽ ചന്തേര പൊലീസ് സ്​റ്റേഷൻ ഇൻസ്‌പെക്ടർ എസ്. നിസാം, ചെറുവത്തൂർ കമ്യൂണിറ്റി ഹെൽത്ത് സൻെറർ മെഡിക്കൽ ഓഫിസർ ഡോ. ജി.ഡി. രമേശന്​ നൽകി ബ്രേക്ക്​ ദി ചെയിൻ ഡയറി പ്രകാശനം ചെയ്തു. പ്രിൻസിപ്പൽ വി.കെ. രാജേഷ് അധ്യക്ഷത വഹിച്ചു. ജനമൈത്രി ബീറ്റ് പൊലീസ് ഓഫിസർ പ്രദീപ്, സ്കൂൾ പി.ടി.എ പ്രസിഡൻറ്​ എം. ചന്ദ്രൻ, ഓട്ടോ തൊഴിലാളി യൂനിയൻ പ്രതിനിധികളായ കെ. ടി.ലോഹിതാക്ഷൻ, പി .സുരേശൻ, ഹക്കീം തുരുത്തി, മറിയംബി, പ്രോഗ്രാം ഓഫിസർ കെ.പി. നിഷ, വളൻറിയർ സെക്രട്ടറി കെ.സൗരവ് എന്നിവർ സംസാരിച്ചു. വളൻറിയർ സെക്രട്ടറി ഒ.കെ.നന്ദന സ്വാഗതവും എം.പി. മനോജൻ നന്ദിയും പറഞ്ഞു.