തീയ ക്ഷേമസഭ രൂപവത്കരണവും ആദരവും

പയ്യന്നൂർ: തീയ ക്ഷേമസഭ മല്ലിയോട്ട് യൂനിറ്റ് രൂപവത്കരണവും ആദരവും സെമിനാറും ഞായറാഴ്ച നടക്കും. രാവിലെ ഒമ്പതിന് പൂരക്കളി അക്കാദമി അംഗം ഡോ. സി.കെ. നാരായണപണിക്കർ ഉദ്ഘാടനം ചെയ്യും. ക്ഷേത്ര സ്ഥാനികരെയും 80 കഴിഞ്ഞ മല്ലിയോട്ട് പാലോട്ട് കാവിലെ കുടക്കാരെയും പൂരക്കളി കലാകാരന്മാരെയും ആദരിക്കും. വാർത്തസമ്മേളനത്തിൽ എ.വി. ഹരിഹരസുതൻ, വിനോദൻ തുരുത്തി, സുധിൻ അലാമി, കൃഷ്ണൻ കാവിന്നരികത്ത്, കെ. പവിത്രൻ, പി.വി. അജേഷ്, മത്ത്യാരി അജയൻ എന്നിവർ പങ്കെടുത്തു.