ബാഡ്മിന്റൺ ടൂർണമെന്റ് ഇന്നുമുതൽ

കണ്ണൂർ: കേരള ബാഡ്മിന്റൺ അസോസിയേഷന്റെ ഓൾ കേരള സീനിയർ റാങ്കിങ് ഷട്ടിൽ ബാഡ്മിന്റൺ ടൂർണമെന്റ് ആഗസ്റ്റ് ഏഴു മുതൽ ഒമ്പതുവരെ കക്കാട് ഡ്രീം ബാഡ്മിന്റൺ അറീനയിൽ നടക്കും. ജില്ല ബാഡ്മിന്റൺ അസോസിയേഷൻ നടത്തുന്ന ടൂർണമെന്റിൽ സംസ്ഥാന സീനിയർ ടീമിൽ ഇടം നേടുന്നതിനായി 200 താരങ്ങൾ മാറ്റുരക്കും. വൈകീട്ട് നാലിന് ഫെഡറേഷൻ വൈസ് പ്രസിഡന്റ് എസ്. മുരളീധരൻ ഉദ്ഘാടനം ചെയ്യും. വാർത്തസമ്മേളനത്തിൽ അബ്ദുൽ അസീസ്, കെ.പി. റിജീഷ്, പി.കെ. ജഗന്നാഥൻ, കെ. രാജേഷ്, കെ. ശിവകുമാർ എന്നിവർ പ​ങ്കെടുത്തു.