കോർപറേഷൻ ജീവനക്കാരൻ ട്രെയിൻ തട്ടി മരിച്ച നിലയിൽ

എടക്കാട്: കണ്ണൂർ കോർപറേഷൻ ജീവനക്കാരനെ ട്രെയിൻ തട്ടി മരിച്ച നിലയിൽ കണ്ടെത്തി. പുഴാതി സോണിലെ സീനിയർ ക്ലർക്ക് മാളികപ്പറമ്പിലെ എ. പ്രകാശനാണ് (50) മരിച്ചത്. ബുധനാഴ്ച രാവിലെ 11ഓടെ ചാലക്കുസമീപം പാളത്തിലാണ് മൃതദേഹം കണ്ടത്. വിവരമറിഞ്ഞ് എടക്കാട് പൊലീസും ബന്ധുക്കളും കോർപറേഷൻ ജീവനക്കാരും സംഭവസ്ഥലത്തെത്തി. നേരത്തെ തളിപ്പറമ്പ് നഗരസഭയിലും പ്രകാശൻ ജോലിചെയ്തിരുന്നു. ഭാര്യ: ബിന്ദു. മക്കൾ: സംഗീത, കവിത.