തപാൽ ജീവനക്കാർ പ്രതിഷേധിച്ചു

കണ്ണൂർ: ഡാക് മിത്ര എന്ന പേരിൽ സമാന്തര പോസ്റ്റ് ഓഫിസുകൾ കൊണ്ടുവന്ന് തപാൽ മേഖല സ്വകാര്യ വത്കരിക്കാനുള്ള നീക്കം ഉപേക്ഷിക്കുക, റെയിൽവേ മെയിൽ സർവിസ് റദ്ദാക്കുന്നതിൽനിന്ന് പിന്തിരിയുക തുടങ്ങിയ ആവശ്യങ്ങളുന്നയിച്ച് എൻ.എഫ്.പി.ഇ -എഫ്.എൻ.പി.ഒ സംയുക്ത സമരസമിതിയുടെ നേതൃത്വത്തിൽ തപാൽ ജീവനക്കാർ കണ്ണൂരിൽ പ്രതിഷേധ പ്രകടനം നടത്തി. തുടർന്ന് ഹെഡ് പോസ്റ്റ് ഓഫിസ് പരിസരത്ത് നടന്ന പ്രതിഷേധ ദിന ധർണയിൽ സംയുക്ത സമരസമിതി കൺവീനർ എ.പി. സുജികുമാർ, ചെയർമാൻ വി.പി. ചന്ദ്രപ്രകാശ്, അനു കവിണിശ്ശേരി, ദിനു മൊട്ടമ്മൽ, ഇ. മനോജ് കുമാർ, ബി.പി. രമേശൻ, പി.വി. രാമകൃഷ്ണൻ, കെ. ഷിജു, പി. പ്രേമദാസൻ, കെ. സുനിൽകുമാർ, കെ.വി. വേണുഗോപാലൻ, കെ. രമിഷ എന്നിവർ സംസാരിച്ചു. പടം) തപാൽ സംയുക്ത സമരസമിതിയുടെ നേതൃത്വത്തിൽ തപാൽ ജീവനക്കാർ കണ്ണൂർ ഹെഡ് പോസ്റ്റ് ഓഫിസിനുമുന്നിൽ പ്രതിഷേധിക്കുന്നു thapal strike