മട്ടന്നൂര്‍ ഇനി കാര്‍ബണ്‍ ന്യൂട്രല്‍ മണ്ഡലം

മട്ടന്നൂര്‍: മട്ടന്നൂര്‍ മണ്ഡലത്തെ കാര്‍ബണ്‍ ന്യൂട്രല്‍ മണ്ഡലമായി മാറ്റുന്നതിന്റെ ഒന്നാംഘട്ട പ്രവര്‍ത്തനം കെ.കെ. ശൈലജ എം.എല്‍.എ ഉദ്ഘാടനം ചെയ്തു. നഗരസഭ ചെയര്‍പേഴ്‌സൻ അനിത വേണു അധ്യക്ഷത വഹിച്ചു. കിംസ് ഹെല്‍ത്ത് ക്ലസ്റ്റര്‍ സി.ഒ.ഒ രശ്മി ആയിഷ മുഖ്യാതിഥിയായി. കെ.ജെ. അപ്പച്ചന്‍, പി.വി. ദിവാകരന്‍ എന്നിവര്‍ ക്ലാസെടുത്തു. കണ്ണൂര്‍ സര്‍വകലാശാല പി.വി.സി പ്രഫ. എ. സാബു മുളത്തൈ വിതരണം ചെയ്തു. പഞ്ചായത്ത് പ്രസിഡന്റുമാരായ പി. ശ്രീമതി, പി.കെ. ഷൈമ, കെ.വി. മിനി, എം. ഹൈമാവതി, ഡി.ഡി.ഇ കെ. ബിന്ദു, ഡി.ഇ.ഒ എ.പി. അംബിക, എ.ഇ.ഒ ജി. ശ്രീകുമാര്‍ എന്നിവര്‍ സംസാരിച്ചു. മട്ടന്നൂര്‍ എ.ഇ.ഒ വി.വി. ബാബു സ്വാഗതവും തരംഗം വിദ്യാഭ്യാസ പദ്ധതി കണ്‍വീനര്‍ എന്‍. ഷാജിത്ത് നന്ദിയും പറഞ്ഞു. പൊതുജനങ്ങളെയും സന്നദ്ധ സംഘടനകളെയും ഉള്‍പ്പെടുത്തി കെ.കെ. ശൈലജ രൂപം നല്‍കിയ തരംഗം സമഗ്ര വിദ്യാഭ്യാസ പദ്ധതിയുടെ ഭാഗമായി കിംസ് ഹെല്‍ത്തുമായി സഹകരിച്ച് മണ്ഡലത്തിലെ സ്‌കൂളുകള്‍ക്ക് 10 വീതം മുളത്തൈകള്‍ വിതരണം ചെയ്യുന്നതാണ് പദ്ധതി. ഒരുവര്‍ഷ കാലയളവില്‍ മികച്ച പ്രവര്‍ത്തനം കാഴ്ചവെക്കുന്നവര്‍ക്ക് പ്രത്യേക സമ്മാനങ്ങള്‍ നൽകും. -------- (ഫോട്ടോ- കാര്‍ബണ്‍ ന്യൂട്രല്‍ മണ്ഡലത്തിന്റെ ഒന്നാംഘട്ട പ്രവര്‍ത്തനം മട്ടന്നൂരില്‍ കെ.കെ. ശൈലജ എം.എല്‍.എ ഉദ്ഘാടനംചെയ്യുന്നു)