ഒരു കാഡറ്റ് ഒരുപുസ്തകം പദ്ധതി

ഇരിക്കൂർ: ഗവ. ഹയർ സെക്കൻഡറി സ്കൂളിൽ വായനവാരാചരണത്തിന്റെ ഭാഗമായി സ്റ്റുഡന്റ് പൊലീസ് കാഡറ്റ് യൂനിറ്റിന്റെ നേതൃത്വത്തിൽ 'ഒരു കാഡറ്റ് ഒരുപുസ്തകം' പദ്ധതിക്ക് തുടക്കംകുറിച്ചു. സ്കൂളിൽ നടന്ന പുസ്തകോത്സവത്തിലാണ് വായനശീലം തിരികെപിടിക്കുക എന്ന ലക്ഷ്യത്തോടെ മുഴുവൻ കാഡറ്റുകളും സ്വന്തമായി ഇഷ്ടമുള്ള പുസ്തകം വാങ്ങിയത്. തുടർന്ന് എല്ലാ കാഡറ്റുകളും വീട്ടിൽ ലൈബ്രറി ഒരുക്കാനും പദ്ധതി വിഭാവനം ചെയ്യുന്നു. പ്രധാനാധ്യാപിക വി.സി. ശൈലജ, പി.ടി.എ പ്രസിഡന്റ് കെ.കെ. അബ്ദുല്ലഹാജി ബ്ലാത്തൂർ, കമ്യൂണിറ്റി പൊലീസ് ഓഫിസർ വി.വി. സുനേഷ്, സ്റ്റാഫ് സെക്രട്ടറി ഇ.പി. ജയപ്രകാശ്, വായനക്കൂട്ടം കൺവീനർ കെ.പി. സുനിൽകുമാർ, പി. ധന്യമോൾ എന്നിവർ നേതൃത്വം നൽകി. ----------- ചിത്രം : ഇരിക്കൂർ ഹയർ സെക്കൻഡറി സ്കൂളിലെ 'ഒരു കാഡറ്റ് ഒരുപുസ്തകം' പദ്ധതിയിൽനിന്ന്