കെ. സുരേന്ദ്രന്‍ അനുസ്മരണം

കണ്ണൂര്‍: മുന്‍ ഡി.സി.സി പ്രസിഡന്റും ഐ.എന്‍.ടി.യു.സി ദേശീയ ഓര്‍ഗനൈസിങ് സെക്രട്ടറിയുമായിരുന്ന കെ. സുരേന്ദ്രന്റെ രണ്ടാം ചരമവാര്‍ഷികദിനം മാധവറാവു സിന്ധ്യ ചാരിറ്റബിള്‍ ട്രസ്റ്റിന്റെ നേതൃത്വത്തില്‍ ആചരിച്ചു. രാവിലെ മാധവറാവു സിന്ധ്യ ആശുപത്രിയില്‍ പുഷ്പാര്‍ച്ചനക്കുശേഷം ട്രസ്റ്റ് ചെയര്‍മാന്‍ കെ. പ്രമോദിന്റെ അധ്യക്ഷതയില്‍ നടന്ന യോഗത്തില്‍ മുന്‍ ഡി.സി.സി പ്രസിഡന്റ് സതീശന്‍ പാച്ചേനി അനുസ്മരണ പ്രഭാഷണം നടത്തി. രജനി രമാനന്ദ്, സി.ടി. ഗിരിജ, കൂക്കിരി രാജേഷ്, ജോഷി കണ്ടത്തില്‍, വി.പി. അബ്ദുൽ റഷീദ്, പി. വിനോദന്‍, പ്രവീണ്‍ കുമാര്‍, കെ.പി. ജോഷില്‍ എന്നിവര്‍ സംസാരിച്ചു. അഴീക്കോട് പൂതപ്പാറ സാന്ത്വനം വയോജന മന്ദിരത്തില്‍ ചേര്‍ന്ന അനുസ്മരണ സമ്മേളനം ഡി.സി.സി പ്രസിഡന്റ് മാര്‍ട്ടിന്‍ ജോര്‍ജ് ഉദ്ഘാടനം ചെയ്തു. ട്രസ്റ്റ് ചെയര്‍മാന്‍ കെ. പ്രമോദ് അധ്യക്ഷത വഹിച്ചു.