വായന ദിനാചരണവും അനുമോദനവും

നടുവനാട്: സമദർശിനി ഗ്രന്ഥാലയത്തിന്റെ ആദിമുഖ്യത്തിൽ വായന ദിനാചരണവും ഖേലോ ഇന്ത്യൻ യൂത്ത് ഗെയിംസ് വിജയിക്ക് അനുമോദനവും നടത്തി. ഇരിട്ടി ബ്ലോക്ക് പഞ്ചായത്ത് പ്രസിഡന്റ് വേലായുധൻ ഉദ്ഘാടനം ചെയ്തു. താലൂക്ക് ലൈബ്രറി കൗൺസിൽ വൈസ് പ്രസിഡന്റ് എ.കെ. രവീന്ദ്രൻ ഖേലോ ഇന്ത്യൻ ഗെയിംസിൽ കളരിപ്പയറ്റിൽ മെഡൽ നേടിയ തീർഥ രാജൻ, താലൂക്ക് സർഗോത്സവ വിജയികളായ അർണവ്, ആദിഷ് കൃഷ്ണ എന്നിവർക്ക് ഉപഹാരം നൽകി. വിപിൻ രാജ് അധ്യക്ഷത വഹിച്ചു. കൗൺസിലർമാരായ സീനത്ത്, എൻ. പുഷ്പ, എം. ലത ടീച്ചർ, ധന്യ ടീച്ചർ, ജയചന്ദ്രൻ മാസ്റ്റർ എന്നിവർ സംസാരിച്ചു. കെ. ശശി സ്വാഗതവും വി.വി.എം. ശ്രീധരൻ നന്ദിയും പറഞ്ഞു.