''ഓണത്തിന്‌ ഒരു കൊട്ട പൂവ്'' പദ്ധതിക്ക് തുടക്കം

ഇരിട്ടി: ജില്ല പഞ്ചായത്ത് കൃഷിഭവൻ മുഖേന നടപ്പിലാക്കുന്ന ഓണത്തിന്‌ ഒരു കൊട്ട പൂവ് പദ്ധതിക്ക് തില്ലങ്കേരിയിൽ തുടക്കമായി. 27 ഗ്രൂപ്പുകളുടെ നേതൃത്വത്തിൽ ഒൻപതിനായിരത്തോളം ചെണ്ടുമല്ലി തൈകളാണ് ഇക്കുറി നട്ടുപിടിപ്പിക്കുന്നത്. തച്ചങ്ങാടിൽ ഒരേക്കറോളം സ്ഥലത്ത് നടത്തുന്ന ചെണ്ടുമല്ലികൃഷിയുടെ പഞ്ചായത്ത് തല ഉദ്ഘാടനം സ്റ്റാൻഡിങ് കമ്മിറ്റി ചെയർമാൻ പി.കെ. രതീഷിന്റെ അധ്യക്ഷതയിൽ പഞ്ചായത്ത് വൈസ് പ്രസിഡൻറ് അണിയേരി ചന്ദ്രൻ നിർവഹിച്ചു. പടം ഓണത്തിന്‌ ഒരു കൊട്ട പൂവ് പദ്ധതിക്ക് തില്ലങ്കേരിയിൽ തുടക്കമായപ്പോൾ