എസ്.ഡി.പി.ഐ സ്ഥാപകദിനം ആചരിച്ചു

ഇരിട്ടി: എസ്.ഡി.പി.ഐ സ്ഥാപകദിനത്തോടനുബന്ധിച്ച് മുഴക്കുന്ന് പഞ്ചായത്തിലെ മുഴുവന്‍ ബ്രാഞ്ചുകളിലും സ്ഥാപകദിനം ആഘോഷിച്ചു. മധുരവിതരണം നടത്തുകയും ശുചീകരണപ്രവര്‍ത്തനങ്ങള്‍ നടത്തുകയും ചെയ്തു. ലഘുലേഖ വിതരണം, ഗൃഹസമ്പര്‍ക്കം, പുതുതായി പാര്‍ട്ടിയിലേക്ക് വന്നവര്‍ക്ക് മെംബര്‍ഷിപ് വിതരണം, എസ്.എസ്.എല്‍.സി പരീക്ഷയില്‍ ഉന്നതവിജയം നേടിയ വിദ്യാർഥികളെ അനുമോദിക്കൽ എന്നിവയും നടന്നു. കാട്ടാനശല്യമുള്ള കൂടലാട്, കാപ്പുംകടവ് പ്രദേശത്ത് നിർമിച്ച ആനവേലി സംരക്ഷിക്കുന്നതിന്‍റെ ഭാഗമായി ഫെന്‍സിങ് പരിസരത്തെ കാടുകള്‍ അയ്യപ്പന്‍കാവ് ബ്രാഞ്ചിലെ പ്രവര്‍ത്തകര്‍ വെട്ടിത്തെളിച്ചു. എസ്.എസ്.എല്‍.സി പരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ക്ക് മുഴക്കുന്ന് ഗ്രാമപഞ്ചായത്ത് അംഗം ഷഫീന മുഹമ്മദ് മെമന്‍റോ നല്‍കി. എസ്.ഡി.പി.ഐ മുഴക്കുന്ന് പഞ്ചായത്ത് പ്രസിഡന്‍റ് എ.പി. മുഹമ്മദ്, സെക്രട്ടറി കെ. മുഹമ്മദലി, നവാസ് അയ്യപ്പന്‍കാവ്, സനീര്‍ ചാക്കാട്, മുത്തലിബ്, മിഷാല്‍ തുടങ്ങിയവര്‍ നേതൃത്വം നല്‍കി. പടം: എസ്.ഡി.പി.ഐ സ്ഥാപകദിനത്തോടനുബന്ധിച്ച് എസ്.എസ്.എൽ.സി പരീക്ഷയിൽ ഉന്നതവിജയം നേടിയ വിദ്യാർഥികളെ മുഴക്കുന്ന് പഞ്ചായത്ത്‌ അംഗം ഷഫീന മുഹമ്മദ് അനുമോദിക്കുന്നു