പ്രതിഷേധ മാർച്ച് നടത്തി

പാനൂർ: കേന്ദ്ര സർക്കാർ അന്വേഷണ ഏജൻസികളെ ഉപയോഗിച്ച് നടത്തുന്ന പകപോക്കൽ രാഷ്ട്രീയത്തിനെതിരെ പാനൂർ ബ്ലോക്ക് കോൺഗ്രസ് കമ്മിറ്റി നടത്തിയ പ്രതിഷേധ മാർച്ചും ധർണയും പാനൂർ ബി.എസ്.എൻ.എൽ ഓഫിസിനുമുന്നിൽ കെ.പി.സി.സി നിർവാഹക സമിതി അംഗം വി. സുരേന്ദ്രൻ ഉദ്ഘാടനം ചെയ്തു. കെ.പി. ഹാഷിം അധ്യക്ഷത വഹിച്ചു. സന്തോഷ് കണ്ണംവെള്ളി, ഹരിദാസ് മൊകേരി, കെ.രമേശൻ, സി.വി. ജലീൽ, കെ. ഭാസ്കരൻ, എ.എം. രാജേഷ്, ടി.കെ. അശോകൻ എന്നിവർ സംസാരിച്ചു. പടം: പാനൂർ ബ്ലോക്ക് കോൺഗ്രസ് കമ്മിറ്റി നടത്തിയ പ്രതിഷേധ മാർച്ചും ധർണയും വി. സുരേന്ദ്രൻ ഉദ്ഘാടനം ചെയ്യുന്നു