ബഫർസോൺ: കൊട്ടിയൂരിൽ പ്രതിഷേധറാലി

കൊട്ടിയൂർ: ബഫർസോൺ വിഷയത്തിൽ ജനദ്രോഹ നിലപാടിനെതിരെ ചെറുപുഷ്പം മിഷൻലീഗ്, കെ.സി.വൈ.എം സംഘടനകൾ പ്രതിഷേധ റാലി സംഘടിപ്പിച്ചു. ഐ.ജെ.എം ഹയർ സെക്കൻഡറി സ്കൂളിൽനിന്ന് നീണ്ടുനോക്കി ടൗണിലേക്കാണ് റാലി നടത്തിയത്. കൊട്ടിയൂർ ഇടവക വികാരി ഫാ. ബെന്നി മുതിരക്കാലായിൽ, അസി. വികാരി ഫാ. വിനോയി കളപ്പുര, സിസ്റ്റർ മെൽവിയ എസ്.എച്ച്, മിഷൻ ലീഗ് പ്രസിഡന്റ് ജോയൽ കുറ്റിയാനിക്കൽ, കെ.സി.വൈ.എം പ്രസിഡന്റ് ആഷിൽ പറയൻകുഴി എന്നിവർ സംസാരിച്ചു. റോയി പാറയ്ക്കൽ, ജ്യോതിസ് പ്ലാക്കൂട്ടത്തിൽ, ആദി തുരുത്തിയിൽ, റീമ പാറയ്ക്കൽ, ആൽഗ്രിറ്റ് കടുപ്പൂർ എന്നിവർ റാലിക്ക് നേതൃത്വം നൽകി. ------------ photo: ബഫർ സോൺ വിഷയത്തിലെ ജനദ്രോഹ നടപടിയിൽ പ്രതിഷേധിച്ച് കൊട്ടിയൂരിൽ ചെറുപുഷ്പം മിഷൻ ലീഗ്, കെ.സി.വൈ.എം സംഘടനകൾ നടത്തിയ റാലി