സന്നദ്ധ പ്രവർത്തകർക്ക് പരിശീലനം

പയ്യന്നൂർ: കാലവർഷ മുന്നൊരുക്ക പ്രവർത്തനങ്ങളുടെ ഭാഗമായി ദേശീയ ദുരന്തനിവാരണസേന പയ്യന്നൂർ നഗരസഭ ഹാളിൽ സന്നദ്ധ പ്രവർത്തകർക്കും വളന്റിയർമാർക്കും രക്ഷാപ്രവർത്തനങ്ങൾ സംബന്ധിച്ച് പരിശീലനം നൽകി. ചെന്നൈ എൻ.ഡി.ആർ.എഫ് നാലാം ബറ്റാലിയനിലെ സബ് ഇൻസ്പെക്ടർ കെ.കെ. അശോകന്റെ നേതൃത്വത്തിലുള്ള 17 അംഗ സംഘമാണ് പരിശീലനം നൽകിയത്. പയ്യന്നൂർ തഹസിൽദാർ എം.കെ. മനോജ് കുമാറിന്റെ അധ്യക്ഷതയിൽ നഗരസഭ ചെയർപേഴ്സൻ കെ.വി. ലളിത ഉദ്ഘാടനം ചെയ്തു. സ്ഥിരം സമിതി ചെയർമാൻ വി.വി. സജിത, സെക്രട്ടറി എം.കെ. ഗിരീഷ്, സൂപ്രണ്ട് ഹരിപ്രസാദ്, അസി. എൻജിനീയർ കെ. ഉണ്ണി എന്നിവർ സംസാരിച്ചു. ----------- പി-വൈ.ആർ ട്രെയ്നിങ് പയ്യന്നൂരിൽ ദുരന്ത നിവാരണസേന നൽകുന്നു