ജില്ല എസ്.പി.സി ഫുട്ബാൾ: ഉദിനൂർ ഗവ. ഹയർ സെക്കൻഡറി

തൃക്കരിപ്പൂർ: എക്സൈസ് വകുപ്പും ജില്ല സ്റ്റുഡൻ്റ് പോലീസ് കേഡറ്റ്സും സംയുക്തമായി സംഘടിപ്പിച്ച റവന്യു ജില്ല ഫുട്ബാൾ ടൂർണമെൻ്റിൽ ഉദിനൂർ ഗവ.ഹയർ സെക്കൻഡറി സ്കൂൾ എസ്.പി.സി ടീം ജേതാക്കളായി. നടക്കാവ് രാജീവ് ഗാന്ധി സിന്തറ്റിക് ടർഫിൽ നടന്ന ഫൈനൽ മൽസരത്തിൽ മടിക്കൈ ഫസ്റ്റ് ഗവ.ഹയർ സെക്കൻഡറി സ്കൂൾ ടീമിനെയാണ്(3 -0) പരാജയപ്പെടുത്തിയത്. കാസർകോട്, കാഞ്ഞങ്ങാട് സബ് ഡിവിഷൻ തലത്തിൽ 25 എസ്.പി.സി സ്കൂൾ ടീമുകളെ പങ്കെടുപ്പിച്ച് നടത്തിയ ടൂർണമൻെറിലെ സെമിഫൈനലിസ്റ്റുകളാണ് ഇന്നലെ മാറ്റുരച്ചത്. സമാപന ചടങ്ങിൽ നാർക്കോട്ടിക് സെൽ ഡിവൈ.എസ്.പി എം.എ. മാത്യു സമ്മാനദാനം നിർവഹിച്ചു. വിമുക്തി മിഷൻ ജില്ല മാനേജർ ഹരിദാസൻ പാലക്കൽ മൽസരം ഉദ്ഘാടനം ചെയ്ത് കളിക്കാരെ പരിചയപ്പെട്ടു. കെ. അശോകൻ, കെ.വി. മധുസൂദനൻ, എ. കലേശൻ, കെ. ശ്രീധരൻ, കെ.വി. ബിജു, വി. സന്തോഷ് കുമാർ എന്നിവർ പ്രസംഗിച്ചു.