വാഹന പരിശോധനക്കിടെ മയക്കുമരുന്ന് പിടിച്ചു

എടക്കാട്: വാഹന പരിശോധനക്കിടെ നടാൽ റെയിൽവേ ഗേറ്റിൽ 16 ഗ്രാം എം.ഡി.എം.എയുമായി യുവാവ് പൊലീസ് പിടിയിലായി. നടാലിലെ കെ. ഷാനിദ് (23) ആണ് പിടിയിലായത്. വ്യാഴാഴ്ച പുലർച്ച രണ്ടോടെ എടക്കാട് പ്രിൻസിപ്പൽ എസ്‌.ഐ മഹേഷ് കണ്ടമ്പേത്തിന്റെ നേതൃത്വത്തിലുള്ള പൊലീസ് സംഘത്തിന്റെ രാത്രികാല പട്രോളിങ്ങിനിടെയാണ് ബൈക്ക് യാത്രികൻ പിടിയിലായത്. പ്രതിയെ റിമാൻഡ് ചെയ്തു.