കുഡോ ചാമ്പ്യൻഷിപ്പിന് തുടക്കം

മട്ടന്നൂർ: മൂന്നാമത് സംസ്ഥാന കുഡോ ചാമ്പ്യൻഷിപ്പിന് മട്ടന്നൂരിൽ പ്രൗഢോജ്ജ്വല തുടക്കം. മൂന്നുദിവസത്തെ ചാമ്പ്യൻഷിപ് മട്ടന്നൂർ മധുസൂദനൻ തങ്ങൾ സ്മാരക വിദ്യാലയത്തിൽ ജില്ല പഞ്ചായത്ത് പ്രസിഡന്റ് പി.പി. ദിവ്യ ഉദ്ഘാടനംചെയ്തു. സി.വി. ശശീന്ദ്രൻ അധ്യക്ഷത വഹിച്ചു. കുഡോ അസോസിയേഷൻ സംസ്ഥാന സെക്രട്ടറി ആർ. ഷൈജു, ജില്ല സെക്രട്ടറി വിജേഷ്, പി.കെ. ജീവരാജ് എന്നിവർ സംസാരിച്ചു. വിസ്പി കരധി, ജാസ്മിൻ മക്കുവാന റൻഷി, മെഹുൽ വസഞ്ചി ദേധ്യ എന്നിവരാണ് ചാമ്പ്യൻഷിപ് നിയന്ത്രിക്കുന്നത്. സംസ്ഥാനത്തിന്റെ വിവിധ ഭാഗങ്ങളിൽനിന്നായി 200 പേർ മാറ്റുരക്കുന്നുണ്ട്. (ഫോട്ടോ- മട്ടന്നൂരിൽ സംസ്ഥാന കുഡോ ചാമ്പ്യൻഷിപ് ജില്ല പഞ്ചായത്ത് പ്രസിഡന്റ് പി.പി. ദിവ്യ ഉദ്ഘാടനം ചെയ്യുന്നു)