കരിയാട് നഗരസഭതല ശുചീകരണം

പെരിങ്ങത്തൂർ: തെളിനീരൊഴുകും നവകേരളം പദ്ധതിയുടെ പാനൂർ നഗരസഭ തല ഉദ്ഘാടനം വാർഡ് 28 കുനിയാറത്ത് പീടികയുടെ സമീപം പാനൂർ നഗരസഭ ചെയർമാൻ വി. നാസർ മാസ്റ്ററുടെ അധ്യക്ഷതയിൽ കെ.പി. മോഹനൻ എം.എൽ.എ നിർവഹിച്ചു. കൗൺസിലർമാരായ എ.എം. രാജേഷ്, ആവോലം ബഷീർ, നഗരസഭതല കൺവീനർ കെ.കെ. ഭരതൻ, പൊതുപ്രവർത്തകരായ പുനത്തിൽ രവീന്ദ്രൻ, ജയചന്ദ്രൻ നാമത്ത്, വി.പി. ചാത്തു, പി.കെ. രാജൻ, ആർ.പി. രമേശൻ, ദേവദാസ് മത്തത്ത്, ഡോ. എം.കെ. മധുസൂദനൻ എന്നിവർ സംസാരിച്ചു. തൊഴിലുറപ്പ് പ്രവർത്തകർ, പരിസരവാസികൾ എന്നിവർ ശുചീകരണ പ്രവർത്തനങ്ങൾക്ക് നേതൃത്വം നൽകി. (foto - PGR - Cleaning - പാനൂർ നഗരസഭ തല തോട് ശുചീകരണത്തിന്റെ ഉദ്ഘാടനം കെ.പി. മോഹനൻ എം.എൽ.എ നിർവഹിക്കുന്നു)