പ്രവാസിസംഘം ഏരിയ സമ്മേളനം

പയ്യന്നൂർ: കേരള പ്രവാസി സംഘം ആറാമത് മാടായി ഏരിയ സമ്മേളനം പരിയാരം പബ്ലിക്ക് സ്കൂൾ ഓഡിറ്റോറിയത്തിൽ നടന്നു. പ്രസിഡന്റ് ആർ. കുഞ്ഞിക്കണ്ണൻ പതാക ഉയർത്തി. പ്രതിനിധി സമ്മേളനം സംസ്ഥാന കമ്മിറ്റി അംഗം അഡ്വ: ഗഫൂർ പി. ലില്ലീസ് ഉദ്ഘാടനം ചെയ്തു. സംഘാടക സമിതി ചെയർമാൻ ടി.വി. മോഹനൻ സ്വാഗതം പറഞ്ഞു. പഞ്ചായത്ത് സ്റ്റാൻഡിങ് കമ്മിറ്റി മെംബർ വി.എ. കോമളവല്ലിക്ക് നൽകി അഡ്വ. ഗഫൂർ പി. ലില്ലീസ് സപ്ലിമൻെറ് പ്രകാശനം ചെയ്തു. സെക്രട്ടറി പി.പി. രാജൻ പ്രവർത്തന റിപ്പോർട്ടും ജില്ല പ്രസിഡൻറ് എം.വി. ബാലകൃഷ്ണൻ സംഘടന റിപ്പോർട്ടും അവതരിപ്പിച്ചു. ബി. അബ്ദുല്ല, പി.ആർ. ജിജേഷ്, ജില്ലാ കമ്മിറ്റി മെംബർമാരായ പി.കെ. സുധാകരൻ, മാടക്ക ദേവു എന്നിവർ സംസാരിച്ചു. ഇ.ടി. സുകുമാരൻ നന്ദി പറഞ്ഞു. ഭാരവാഹികൾ: കെ. ജനാർദ്ദനൻ (പ്രസി.), പി.പി. രാജൻ (സെക്ര.), എൻ.വി. കൃഷ്ണൻ (ട്രഷ.)