മയക്കുമരുന്നുമായി യുവാവ് പിടിയിൽ

കൂത്തുപറമ്പ്: മാർക്കറ്റ് പരിസരത്ത് പൊലീസ് നടത്തിയ വാഹന പരിശോധനയിൽ നിരോധിത . സംഭവവുമായി ബന്ധപ്പെട്ട് തലശ്ശേരി കായത്ത് റോഡിലെ കദീരി മൻസിലിൽ ഫവാദിനെയാണ് (24) പൊലീസ് അറസ്റ്റ് ചെയ്തത്. ബുധനാഴ്ച രാത്രി കൂത്തുപറമ്പ് മാർക്കറ്റ് പരിസരത്ത് പൊലീസ് നടത്തിയ വാഹന പരിശോധനക്കിടെയാണ് ബൈക്കിൽ കടത്തുകയായിരുന്ന മയക്കുമരുന്ന് പിടികൂടിയത്. 1.2 ഗ്രാം എം.ഡി.എം.എയാണ് പൊലീസ് പിടികൂടിയത്. കൂത്തുപറമ്പ് എസ്.ഐ സന്ദീപ്, പ്രൊബേഷനൽ എസ്.ഐ സി.ടി. സൈഫുല്ല എന്നിവരുടെ നേതൃത്വത്തിലാണ് പരിശോധന നടന്നത്. സിവിൽ പൊലീസ് ഓഫിസർമാരായ ഷൈജേഷ്, അഭിലാഷ് എന്നിവരും പൊലീസ് സംഘത്തിലുണ്ടായിരുന്നു.