'പുസ്തകങ്ങൾ പിൻവലിക്കണം'

കണ്ണൂർ: നവോത്ഥാന നായകൻ വാഗ്ഭടാനന്ദ ഗുരുദേവനെക്കുറിച്ച് ആത്മവിദ്യാ സംഘം ജനറൽ സെക്രട്ടറി തോട്ടപ്പള്ളി ഗോപാലകൃഷ്ണൻ രചിച്ച പുസ്തകങ്ങൾ കുടുംബത്തെ അപകീർത്തിപ്പെടുത്തുന്നവയാണെന്നും പിൻവലിക്കണമെന്നും വാഗ്ഭടാനന്ദ ഗുരുവി​ന്‍റെ പൗത്രി പാട്യം ആനന്ദഭവനിൽ എ.പി. സുജാത വാർത്തസമ്മേളനത്തിൽ ആവശ്യപ്പെട്ടു. ഏകാകിയുടെ മൗനം, ഉദയസൂര്യനെ മോഹിച്ച പെൺകുട്ടി എന്ന നോവലിലും ഗുരു വാഗ്ഭടാനന്ദൻ എന്ന ജീവചരിത്രത്തിലും ധാരാളം വസ്തുതപരമായ തെറ്റുകളുണ്ട്. കുടുംബത്തെ അപഹസിക്കുന്ന പരാമർശങ്ങൾ പിൻവലിച്ചില്ലെങ്കിൽ നിയമനടപടി സ്വീകരിക്കുമെന്നും സുജാത പറഞ്ഞു.