ആശുപത്രിയിലേക്കുള്ള യാത്രക്കിടെ യുവതി ആംബുലൻസിൽ പ്രസവിച്ചു

ഇ​ടു​ക്കി: ആ​ശു​പ​ത്രി​യി​ലേ​ക്കു​ള്ള യാ​ത്രാ​മ​ധ്യേ അ​ന്ത​ർ​സം​സ്ഥാ​ന തൊ​ഴി​ലാ​ളി യു​വ​തി ആം​ബു​ല​ൻ​സി​ൽ പ്ര​സ​വി​ച്ചു. ഝാ​ർ​ഖ​ണ്ഡ് സ്വ​ദേ​ശി​നി​യും ഇ​ടു​ക്കി സൂ​ര്യ​നെ​ല്ലി ഷ​ണ്മു​ഖ​വി​ലാ​സം എ​സ്റ്റേ​റ്റി​ലെ തൊ​ഴി​ലാ​ളി​യു​മാ​യ അ​ഞ്​​ജു​വാ​ണ്​​ (32) ആം​ബു​ല​ൻ​സി​ൽ ആ​ൺ​കു​ഞ്ഞി​ന് ജ​ന്മം ന​ൽ​കി​യ​ത്. ബു​ധ​നാ​ഴ്ച രാ​ത്രി ഏ​ഴോ​ടെ​യാ​ണ് സം​ഭ​വം.

യു​വ​തി​ക്ക് പ്ര​സ​വ​വേ​ദ​ന അ​നു​ഭ​വ​പ്പെ​ട്ട​തി​നെ തു​ട​ർ​ന്ന് ഒ​പ്പ​മു​ള്ള​വ​ർ ക​നി​വ് 108 ആം​ബു​ല​ൻ​സി​ന്റെ സേ​വ​നം തേ​ടു​ക​യാ​യി​രു​ന്നു. തു​ട​ർ​ന്ന് ആം​ബു​ല​ൻ​സ് പൈ​ല​റ്റ് എ​ൻ. നൈ​സ​ൽ, എ​മ​ർ​ജ​ൻ​സി മെ​ഡി​ക്ക​ൽ ടെ​ക്നീ​ഷ​ൻ റാ​ണി സ​രി​ത ഭാ​യി എ​ന്നി​വ​ർ ഉ​ട​ൻ സ്ഥ​ല​ത്തെ​ത്തി യു​വ​തി​യു​മാ​യി അ​ടി​മാ​ലി താ​ലൂ​ക്ക് ആ​ശു​പ​ത്രി​യി​ലേ​ക്ക് തി​രി​ച്ചു.

ആം​ബു​ല​ൻ​സ് ചി​ന്ന​ക്ക​നാ​ൽ എ​ത്തു​മ്പോ​ഴേ​ക്കും യു​വ​തി​യു​ടെ ആ​രോ​ഗ്യ​നി​ല വ​ഷ​ളാ​വു​ക​യും തു​ട​ർ​ന്ന് എ​മ​ർ​ജ​ൻ​സി മെ​ഡി​ക്ക​ൽ ടെ​ക്നീ​ഷ​ൻ റാ​ണി സ​രി​ത ഭാ​യി ന​ട​ത്തി​യ പ​രി​ശോ​ധ​ന​യി​ൽ പ്ര​സ​വം എ​ടു​ക്കാ​തെ മു​ന്നോ​ട്ടു​പോ​കു​ന്ന​ത് അ​മ്മ​ക്കും കു​ഞ്ഞി​നും സു​ര​ക്ഷി​ത​മ​ല്ലെ​ന്ന് മ​ന​സ്സി​ലാ​ക്കി ആം​ബു​ല​ൻ​സി​ൽ ത​ന്നെ ഇ​തി​നു​വേ​ണ്ട സ​ജ്ജീ​ക​ര​ണ​ങ്ങ​ൾ ഒ​രു​ക്കു​ക​യാ​യി​രു​ന്നു.

വൈ​കീ​ട്ട് 7.45ന് ​യു​വ​തി ആം​ബു​ല​ൻ​സി​ൽ കു​ഞ്ഞി​ന് ജ​ന്മം ന​ൽ​കി. തു​ട​ർ​ന്ന് എ​മ​ർ​ജ​ൻ​സി മെ​ഡി​ക്ക​ൽ ടെ​ക്നീ​ഷ​ൻ റാ​ണി സ​രി​ത ഭാ​യി അ​മ്മ​ക്കും കു​ഞ്ഞി​നും പ്ര​ഥ​മ​ശു​ശ്രൂ​ഷ ന​ൽ​കി. ഉ​ട​ൻ ഇ​രു​വ​രെ​യും ആം​ബു​ല​ൻ​സ് പൈ​ല​റ്റ് നൈ​സ​ൽ അ​ടി​മാ​ലി താ​ലൂ​ക്ക് ആ​ശു​പ​ത്രി എ​ത്തി​ച്ചു. അ​മ്മ​യും കു​ഞ്ഞും സു​ഖ​മാ​യി ഇ​രി​ക്കു​ന്ന​താ​യി ബ​ന്ധു​ക്ക​ൾ അ​റി​യി​ച്ചു.