മുള്ളരിങ്ങാട്ട്​​ വീണ്ടും കാട്ടാന ആക്രമണം; കൃഷി നിശിപ്പിച്ചു

വ​ണ്ണ​പ്പു​റം: ന​ശം​വി​ത​ച്ച്​ മു​ള്ള​രി​ങ്ങാ​ട്ട്​​ വീ​ണ്ടും കാ​ട്ടാ​ന ആ​ക്ര​മ​ണം. ന​രി​തൂ​ക്കി​ല്‍ ജോ​ണി​യു​ടെ വീ​ട്ടു​മു​റ്റ​ത്തെ​ത്തി​യ കാ​ട്ടാ​ന നാ​യു​ടെ​ കൂ​ടും ആ​ട്ടി​ന്‍കൂ​ടും ത​ക​ര്‍ത്തു. ആ​ടി​ന്‍റെ ക​ര​ച്ചി​ല്‍ കേ​ട്ട് വീ​ട്ടു​കാ​ര്‍ ലൈ​റ്റി​ട്ട​പ്പോ​ഴാ​ണ്​ ര​ണ്ട് ആ​ന​ക​ളെ മു​റ്റ​ത്ത്​ ക​ണ്ട​ത്​ ക​ണ്ടു. വ്യാ​ഴാ​ഴ്ച പു​ല​ര്‍ച്ച നാ​ലി​നാ​ണ് സം​ഭ​വം. ഇ​വി​ടെ നി​ന്ന്​ നീ​ങ്ങി​യ ആ​ന തെ​ങ്ങും​ത​ട്ട​യി​ല്‍ ഓ​ന​ച്ച​ന്‍റെ ക​മു​കും വാ​ഴ​യും ന​ശി​പ്പി​ച്ചു. ഇ​യാ​ളു​ടെ മു​റ്റ​ത്തെ കി​ണ​ര്‍ ര​ണ്ടു​മാ​സം മു​മ്പ് ആ​ന ഇ​ടി​ച്ചു​ക​ള​ഞ്ഞി​രു​ന്നു. വെ​ട്ടി​ക്കാ​ട്ട് ജ​ലീ​ലി​ന്‍റെ 50 വ​ര്‍ഷ​ത്തി​ലേ​റെ പ​ഴ​ക്ക​മു​ള്ള പ്ലാ​വ് ആ​ന ത​ള്ളി​മ​റി​ച്ചു.

ക​ഴി​ഞ്ഞ ദി​വ​സം ന​രി​തൂ​ക്കി​യി​ൽ കു​ഞ്ഞ​പ്പ​ന്‍റെ വീ​ടി​ന്‍റെ മു​റ്റ​ത്തി​രു​ന്ന മോ​ട്ടോ​ർ ആ​ന ന​ശി​പ്പി​ച്ചി​രു​ന്നു. നി​ര​വ​ധി കൃ​ഷി​ക​ളും ന​ശി​പ്പി​ച്ചു. വ​ണ്ണ​പ്പു​റം പ​ഞ്ചാ​യ​ത്ത്​ പ്ര​സി​ഡ​ന്‍റ്​ എം.​എ. ബി​ജു​വി​ന്‍റെ നേ​തൃ​ത്വ​ത്തി​ൽ ജ​ന​പ്ര​തി​നി​ധി​ക​ൾ കോ​ട്ട​യം സി.​സി.​എ​ഫ്​ ആ​ർ.​എ​സ്. അ​രു​ണി​നെ നേ​രി​ൽ​ക​ണ്ട് കാ​ട്ടാ​ന ശ​ല്യ​ത്തെ​ക്കു​റി​ച്ച് പ​രാ​തി​പ്പെ​ട്ടി​രു​ന്നു. ഉ​ട​ൻ സ്ഥ​ലം സ​ന്ദ​ർ​ശി​ക്കാ​മെ​ന്ന് അ​ദ്ദേ​ഹം പ​റ​ഞ്ഞി​രു​ന്നു. എ​ന്നാ​ൽ, ഇ​തു​വ​രെ എ​ത്തി​യി​ല്ലെ​ന്ന് ജ​ന​പ്ര​തി​നി​ധി​ക​ൾ പ​റ​ഞ്ഞു. കോ​ത​മം​​ഗ​ലം ഡി.​എ​ഫ്.​ഒ സ്ഥ​ല​ത്തെ​ത്തി ക​ർ​ഷ​ക​രു​ടെ ന​ഷ്ട​ങ്ങ​ൾ വി​ല​യി​രു​ത്ത​ണ​മെ​ന്നും കൃ​ഷി, റ​വ​ന്യൂ വ​കു​പ്പു​ക​ൾ ജ​ന​ങ്ങ​ളു​ടെ പ​രാ​തി കേ​ൾ​ക്ക​ണ​മെ​ന്നു​മാ​ണ് ജ​ന​ങ്ങ​ളു​ടെ ആ​വ​ശ്യം.

സോ​ളാ​ർ വേ​ലി നി​ർ​മാ​ണ​ത്തി​നാ​യി എം.​എ​ൽ.​എ ഫ​ണ്ടി​ൽ​നി​ന്ന്​ 10 ല​ക്ഷം രൂ​പ അ​നു​വ​ദി​ച്ചെ​ങ്കി​ലും പ​ണി​ക​ൾ ഇ​ഴ​ഞ്ഞാ​ണ് നീ​ങ്ങു​ന്ന​തെ​ന്നും പ്ര​ദേ​ശ​വാ​സി​ക​ൾ പ​റ​ഞ്ഞു. എ​ന്നാ​ൽ, മ​ഴ മൂ​ല​മാ​ണ് താ​മ​സം നേ​രി​ടു​ന്ന​തെ​ന്നും അ​ധി​കൃ​ത​ർ പ​റ​ഞ്ഞു.