മു​ള്ള​രി​ങ്ങാ​ട്ട്​​ ജനവാസ മേഖലയിൽ നിന്നൊഴിയാതെ കാട്ടാനകൾ; പ്രദേശത്ത് തമ്പടിച്ചിരിക്കുന്നത് 13 ആനകൾ

മു​ള്ള​രി​ങ്ങാ​ട്: മു​ള്ള​രി​ങ്ങാ​ട്ട്​​ വീ​ണ്ടും കാ​ട്ടാന​ശ​ല്യം രൂ​ക്ഷ​മാ​യി. ക​ഴി​ഞ്ഞ ദി​വ​സ​ങ്ങ​ളി​ൽ അ​മ​യ​ൽ​തൊ​ട്ടി​യി​ലും പ​ന്നി​മ​റ്റം​ചാ​ലി​ലും കാ​ട്ടാ​ന​യി​റ​ങ്ങി നാ​ശം​വി​ത​ച്ചു. തൊ​മ്മ​​ൻ പൂ​പ്പി​ല​ക്കു​ടി, കാ​വു​ങ്ക​ല്‍ സ​ണ്ണി എ​ന്നി​വ​രു​ടെ പു​ര​യി​ട​ത്തി​ലെ വാ​ഴ, പ​ന തു​ട​ങ്ങി​യ കൃ​ഷി​ക​ൾ ന​ശി​പ്പി​ച്ചു. 13​ ആ​ന​ക​ളാ​ണ് മേ​ഖ​ല​യി​ൽ ത​മ്പ​ടി​ച്ചി​രി​ക്കു​ന്ന​തെ​ന്ന്​ നാ​ട്ടു​കാ​ർ പ​റ​യു​ന്നു. ഇ​തി​ൽ 11 എ​ണ്ണം സൗ​ര​വേ​ലി​ക്കു​ള്ളി​ലും ര​ണ്ടെ​ണ്ണം പു​റ​ത്തു​മാ​ണ്.

ഇ​വ​യാ​ണ് നാ​ട്ടി​ലി​റ​ങ്ങി കൃ​ഷി ന​ശി​പ്പി​ക്കു​ന്ന​തും ജ​ന​ങ്ങ​ൾ​ക്ക് ഭീ​ഷി​ണി​യു​മാ​യ​ത്. ചൊ​വ്വാ​ഴ്ച രാ​ത്രി തൊ​ടു​പു​ഴ-​മു​ള്ള​രി​ങ്ങാ​ട് റോ​ഡി​ൽ പ​ന്നി​മ​റ്റം​ചാ​ലി​ൽ ഇ​വ എ​ത്തി. മു​ള്ള​രി​ങ്ങാ​ട്​ ടൗ​ണി​നോ​ട് ചേ​ർ​ന്ന സ്ഥ​​ല​മാ​ണി​ത്. ഉ​റ​ക്ക​മി​ല്ലാ​തെ കാ​വ​ലി​രു​ന്നി​ട്ടും നാ​ട്ടു​കാ​ർ സൗ​ര​വേ​ലി സ്ഥാ​പി​ച്ചി​ട്ടും ജ​ന​വാ​സ മേ​ഖ​ല​യി​ലേ​ക്ക് കാ​ട്ടാ​ന​ക്കൂ​ട്ടം ഇ​റ​ങ്ങു​ക​യാ​ണ്.

തി​ങ്ക​ളാ​ഴ്ച രാ​ത്രി മു​ള്ള​രി​ങ്ങാ​ട് തെ​ങ്ങും​തെ​റ്റ​യി​ൽ ഓ​ന​ച്ച​ന്റെ വീ​ട്ടു​മു​റ്റ​ത്ത് കാ​ട്ടാ​ന​യെ​ത്തി. കി​ണ​റി​ന്‍റെ സം​ര​ക്ഷ​ണ​ഭി​ത്തി ത​ക​ർ​ത്തു. അ​മ​യ​ൽ​ത്തൊ​ട്ടി​യി​ലെ അം​ഗ​ൻ​വാ​ടി​യു​ടെ മു​റ്റ​ത്തും കാ​ട്ടാ​ന​യെ​ത്തി. ര​ണ്ടാ​ഴ്ച​യാ​യി മേ​ഖ​ല​യി​ൽ കാ​ട്ടാ​ന ത​മ്പ​ടി​ച്ചി​രി​ക്കു​ക​യാ​ണ്. 2024 ഡി​സം​ബ​റി​ൽ പ​ശു​വി​നെ അ​ഴി​ച്ചു​കെ​ട്ടാ​ൻ പോ​യ അ​മ​ർ ഇ​ലാ​ഹി എ​ന്ന യു​വാ​വി​നെ കാ​ട്ടാ​ന​ക​ൾ ച​വി​ട്ടി​ക്കൊ​ന്ന​തി​ന്‍റെ ഞെ​ട്ട​ലി​ൽ​നി​ന്ന് മു​ള്ള​രി​ങ്ങാ​ട് ഇ​നി​യും മു​ക്ത​മാ​യി​ട്ടി​ല്ല. കാ​ട്ടാ​ന​ക​ളെ കാ​ടു​ക​യ​റ്റാ​ൻ ഫ​ല​പ്ര​ദ​മാ​യ ന​ട​പ​ടി സ്വീ​ക​രി​ച്ചി​ല്ലെ​ങ്കി​ൽ ദു​ര​ന്തം ഇ​നി​യും ആ​വ​ർ​ത്തി​ക്കു​മെ​ന്ന് ഇ​വ​ർ പ​റ​യു​ന്നു. കു​ട്ടി​ക​ളെ ക​ളി​ക്കാ​ൻ വി​ടാ​നും ര​ക്ഷി​താ​ക്ക​ൾ​ക്ക് ഭ​യമാണ്​.

മു​ള്ള​രി​ങ്ങാ​ട്ടെ പ​ല​രും തൊ​ടു​പു​ഴ​യി​ലും മൂ​വാ​റ്റു​പു​ഴ​യി​ലും കോ​ത​മം​ഗ​ല​ത്തു​മൊ​ക്കെ​യാ​ണ് ജോ​ലി​ക്കും പ​ഠ​ന​ത്തി​നും മ​റ്റും പോ​കു​ന്ന​ത്. കി​ലോ​മീ​റ്റ​ർ അ​ക​ലെ​യു​ള്ള ഈ ​സ്ഥ​ല​ങ്ങ​ളി​ലേ​ക്ക് പു​ല​ർ​ച്ച ത​ന്നെ പോ​ക​ണം. വീ​ട്ടി​ൽ​നി​ന്ന്​ ഇ​റ​ങ്ങി​യാ​ൽ ചി​ല​പ്പോ​ൾ ഇ​രു​ട്ടി​ന്‍റെ മ​റ​വി​ൽ നി​ൽ​ക്കു​ന്ന കാ​ട്ടാ​ന​യു​ടെ മു​ന്നി​ലാ​കും പെ​ടു​ക. രാ​ത്രി​യി​ലും സ്ഥി​തി വ്യ​ത്യ​സ്ത​മ​ല്ല. ഇ​രു​ട്ടും​മു​മ്പ്​ വീ​ടെ​ത്താ​നാ​ണ് ഇ​വ​ർ ശ്ര​മി​ക്കു​ന്ന​ത്. ഇ​വ​രു​ടെ ക​ഷ്ട​പ്പാ​ട് ക​ണ്ട് ജോ​ലി സ്ഥ​ല​ത്തു​നി​ന്ന് നേ​ര​ത്തേ ഇ​റ​ങ്ങാ​ൻ പ​ല സ്ഥാ​പ​ന​ങ്ങ​ളും അ​നു​വ​ദി​ക്കു​ന്നു​ണ്ട്.

അ​ഞ്ച് കാ​ട്ടാ​ന​ക​ളാ​ണ് രാ​ത്രി​യെ​ന്നോ പ​ക​ലെ​ന്നോ ഇ​ല്ലാ​തെ പ്ര​ദേ​ശ​ത്ത് നി​ൽ​ക്കു​ന്ന​ത്. ഇ​ടു​ക്കി ജി​ല്ല​യി​ലെ വ​ണ്ണ​പ്പു​റം, എ​റ​ണാ​കു​ള​ത്തെ പൈ​ങ്ങോ​ട്ടൂ​ർ, ക​വ​ള​ങ്ങാ​ട് പ​ഞ്ചാ​യ​ത്തു​ക​ളി​ലാ​യാ​ണ് മു​ള്ള​രി​ങ്ങാ​ട് വ്യാ​പി​ച്ച് കി​ട​ക്കു​ന്ന​ത്. കു​റ​ച്ചു​ഭാ​ഗ​ത്ത് മാ​ത്ര​മാ​ണ് വ​നം​വ​കു​പ്പ് സൗ​ര​വേ​ലി സ്ഥാ​പി​ച്ച​ത്. കു​റ​ച്ചി​ട​ത്ത് നാ​ട്ടു​കാ​രും കെ​ട്ടി​യി​ട്ടു​ണ്ട്. സൗ​ര​വേ​ലി പൂ​ർ​ത്തി​യാ​ക്കാ​ൻ 10 ല​ക്ഷം രൂ​പ പി.​ജെ. ജോ​സ​ഫ് എം.​എ​ൽ.​എ അ​നു​വ​ദി​ച്ചി​രു​ന്നു. എ​ന്നാ​ൽ, പ​ണി ഇ​തു​വ​രെ തു​ട​ങ്ങി​യി​ട്ടി​ല്ല.