കാട്ടാന, കാട്ടുപോത്ത്​, പുലി; ഭയന്ന്​ വിറച്ച്​ ജീവിതം

തൊ​ടു​പു​ഴ: അ​രി​ക്കൊ​മ്പ​നെ പി​ടി​കൂ​ടി മാ​റ്റാ​നു​ള്ള ന​ട​പ​ടി​ക​ൾ നീ​ണ്ടു​പോ​കു​ന്ന​തി​നി​ടെ ജി​ല്ല​യു​ടെ വി​വി​ധ​യി​ട​ങ്ങ​ളി​ൽ വ​ന്യ​മൃ​ഗ ശ​ല്യം തു​ട​രു​ന്നു. ചൊ​വ്വാ​ഴ്ച പു​ല​ർ​ച്ച​യും അ​രി​ക്കൊ​മ്പ​ൻ ഒ​രു വീ​ട്​ ത​ക​ർ​ത്തു. പി​ഞ്ചു​കു​ഞ്ഞു​മാ​യി വീ​ട്ടു​കാ​ർ ഇ​റ​ങ്ങി ഓ​ടി​യ​തി​നാ​ൽ അ​പ​ക​ടം ഒ​ഴി​വാ​യി. അ​തേ​സ​മ​യം, അ​രി​ക്കൊ​മ്പ​നെ പി​ടി​കൂ​ടി കൊ​ണ്ടു​പോ​കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​​മ്പോ​ൾ ആ​ന​യെ കൊ​ണ്ടു​വ​രു​ന്ന​തി​നെ​ച്ചൊ​ല്ലി പ​റ​മ്പി​ക്കു​ള​ട​ത്ത​ട​ക്കം ജ​ന​കീ​യ പ്ര​തി​ഷേ​ധം ഉ​ട​​ലെ​ടു​ത്ത​ത്​​ ചി​ന്ന​ക്ക​നാ​ൽ, ശാ​ന്ത​ൻ​പാ​റ മേ​ഖ​ല​യി​ലെ ജ​ന​ങ്ങ​ളെ ആ​ശ​ങ്ക​യി​ലാ​ക്കു​ന്നു​ണ്ട്.

അ​തേ​സ​മ​യം, കാ​ട്ടാ​ന​ക​ളെ കൂ​ടാ​തെ മൂ​ന്നാ​ർ, ക​ട്ട​പ്പ​ന എ​ന്നി​വി​ട​ങ്ങ​ളി​ല​ട​ക്കം പു​ലി, കാ​ട്ടു​പോ​ത്ത്​ എ​ന്നി​വ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ ഇ​റ​ങ്ങി ജ​ന​ങ്ങ​ൾ​ക്ക്​ വെ​ല്ലു​വി​ളി ഉ​യ​ർ​ത്തു​ക​യാ​ണ്. മൂ​ന്നാ​ർ മേ​ഖ​ല​യി​ല​ട​ക്കം നി​ര​വ​ധി പേ​രു​ടെ കാ​ലി​ക​ളെ​യും മ​റ്റു​മാ​ണ്​ വ​ന്യ​മൃ​ഗ​ങ്ങ​ൾ ഇ​റ​ങ്ങി കൊ​ന്നു​തി​ന്നു​ന്ന​ത്. കൃ​ഷി ദേ​ഹ​ണ്ഡ​ങ്ങ​ളും ന​ശി​പ്പി​ച്ചാ​ണ്​ ഇ​വ​യു​ടെ വി​ള​യാ​ട്ടം. ഇ​ത്ര​യേ​​റെ മ​നു​ഷ്യ​ജീ​വ​നു​ക​ൾ ഇ​ല്ലാ​താ​ക്കി ന​ഷ്ടം​വ​രു​ത്തു​ന്ന വ​ന്യ​മൃ​ഗ​ങ്ങ​ളു​ടെ ​ശ​ല്യ​ത്തി​നെ​തി​രെ ശാ​ശ്വ​ത പ​രി​ഹാ​രം ഉ​ണ്ടാ​ക്കാ​ൻ ക​ഴി​യാ​ത്ത​തെ​ന്തെ​ന്നാ​ണ്​ നാ​ട്ടു​കാ​രു​ടെ ചോ​ദ്യം.

പു​ളി​യ​ന്മ​ല ഭാ​ഗ​ത്ത്​ കാ​ട്ടു​പോ​ത്തി​റ​ങ്ങി

ക​ട്ട​പ്പ​ന: മൂ​വാ​റ്റു​പു​ഴ- തേ​നി സം​സ്ഥാ​ന​പാ​ത​യി​ൽ പു​ളി​യ​ന്മ​ല പൊ​ലീ​സ്​ വ​ള​വി​ൽ കാ​ട്ടു​പോ​ത്തി​റ​ങ്ങി. മൂ​വാ​റ്റു​പു​ഴ തേ​നി സം​സ്ഥാ​ന​പാ​ത​യി​ൽ പു​ളി​യ​ന്മ​ല പൊ​ലീ​സ്​ വ​ള​വി​ൽ ചൊ​വ്വാ​ഴ്ച പു​ല​ർ​ച്ച​യാ​ണ് കാ​ട്ടു​പോ​ത്തി​റ​ങ്ങി​യ​ത്. പു​ല​ർ​ച്ച ഈ ​റോ​ഡി​ലൂ​ടെ ക​ട​ന്നു​പോ​യ വാ​ഹ​ന യാ​ത്ര​ക്കാ​രും പ​ത്ര​വ​ണ്ടി​ക്കാ​രും കാ​ട്ടു​പോ​ത്തി​നെ ക​ണ്ട​താ​യി പ​റ​യു​ന്നു. രാ​വി​ലെ ഈ ​മേ​ഖ​ല​യി​ലെ ഏ​ല​ത്തോ​ട്ട​ത്തി​ൽ കാ​ട്ടു​പോ​ത്തി​ന്റെ കാ​ൽ​പാ​ടു​ക​ൾ ക​ണ്ടു. ഇ​തേ തു​ട​ർ​ന്ന് ഏ​ല​ക്കാ​ട്ടി​ൽ പ​ണി​ക്കി​റ​ങ്ങാ​ൻ തൊ​ഴി​ലാ​ളി​ക​ൾ മ​ടി​കാ​ണി​ച്ചു. തു​ട​ർ​ന്ന് ഏ​ല​ക്കാ​ട്ടി​ൽ വ്യാ​പ​ക​മാ​യ തി​ര​ച്ചി​ൽ ന​ട​ത്തി​യ​ശേ​ഷ​മാ​ണ് തൊ​ഴി​ലാ​ളി​ക​ൾ പ​ണി​ക്കി​റ​ങ്ങി​യ​ത്.

കാ​ട്ടു​പോ​ത്തി​നെ ക​ണ്ടെ​ന്ന റി​പ്പോ​ർ​ട്ടി​നെ തു​ട​ർ​ന്ന് പു​ലി​യ​ന്മ​ല ഫോ​റ​സ്റ്റ് റേ​ഞ്ച് ഓ​ഫി​സി​ൽ​നി​ന്ന് ഉ​ദ്യോ​ഗ​സ്ഥ​ർ എ​ത്തി കാ​ട്ടു​പോ​ത്തി​ന്റെ കാ​ൽ​പാ​ടു​ക​ൾ പ​രി​ശോ​ധി​ച്ചു. കാ​ൽ​പാ​ടു​ക​ൾ കാ​ട്ടു​പോ​ത്തി​ന്റേ​താ​ണെ​ന്ന് ഉ​ദ്യോ​ഗ​സ്ഥ​ർ സ്ഥി​രീ​ക​രി​ച്ചു.

മു​ന്നി​ൽ പു​ലി; ചി​ത​റി​യോ​ടി തൊ​ഴി​ലാ​ളി സ്ത്രീ​ക​ൾ

ക​ണ്ണ​ൻ ദേ​വ​ൻ ക​മ്പ​നി​യു​ടെ കു​ണ്ട​ള എ​സ്റ്റേ​റ്റ് തീ​ർ​ഥ​മ​ല ഡി​വി​ഷ​നിലാണ്​ ചൊ​വ്വാ​ഴ്ച രാ​വി​ലെ പുലിയെ കണ്ടത്​

മൂ​ന്നാ​ർ: അ​പ്ര​തീ​ക്ഷി​ത​മാ​യി മു​ന്നി​ൽ​പെ​ട്ട പു​ലി​ക​ളെ ക​ണ്ട്​ ചി​ത​റി​യോ​ടി തോ​ട്ടം തൊ​ഴി​ലാ​ളി സ്ത്രീ​ക​ൾ. ക​ണ്ണ​ൻ ദേ​വ​ൻ ക​മ്പ​നി​യു​ടെ കു​ണ്ട​ള എ​സ്റ്റേ​റ്റ് തീ​ർ​ഥ​മ​ല ഡി​വി​ഷ​നി​ൽ ചൊ​വ്വാ​ഴ്ച രാ​വി​ലെ 7.45നാ​ണ് സം​ഭ​വം.

ഡി​വി​ഷ​നി​ലെ എ​ട്ടാം ന​മ്പ​ർ ഫീ​ൽ​ഡി​ലേ​ക്ക് കൊ​ളു​ന്ത് ശേ​ഖ​രി​ക്കാ​ൻ എ​സ്റ്റേ​റ്റ് റോ​ഡി​ലൂ​ടെ ന​ട​ന്ന് പോ​കു​ക​യാ​യി​രു​ന്നു 18 തൊ​ഴി​ലാ​ളി സ്ത്രീ​ക​ൾ. സൂ​പ്പ​ർ​വൈ​സ​ർ ശി​വ​കു​മാ​റും ഒ​പ്പ​മു​ണ്ടാ​യി. ല​യ​ങ്ങ​ൾ സ്ഥി​തി​ചെ​യ്യു​ന്ന ഭാ​ഗ​ത്തു​നി​ന്ന് ഒ​രു കി​ലോ​മീ​റ്റ​ർ അ​ക​ലെ​യാ​ണ് ഈ ​ഫീ​ൽ​ഡ്. അ​ര​ക്കി​ലോ​മീ​റ്റ​ർ പി​ന്നി​ട്ട് വ​ള​വ് തി​രി​ഞ്ഞ​പ്പോ​ഴാ​ണ് 20 മീ​റ്റ​ർ മാ​ത്രം അ​ക​ലെ തേ​യി​ല​ച്ചെ​ടി​ക​ൾ​ക്കി​ട​യി​ൽ ഒ​രാ​ൾ​പ്പൊ​ക്ക​മു​ള്ള പാ​റ​യു​ടെ മു​ക​ളി​ൽ ര​ണ്ട് പു​ലി​ക​ൾ കി​ട​ക്കു​ന്ന​ത് ക​ണ്ട​ത്. ശ​ബ്ദം​കേ​ട്ട് പു​ലി​ക​ൾ എ​ഴു​ന്നേ​റ്റ​തോ​ടെ എ​ല്ലാ​വ​രും ഭ​യ​ന്ന് ഒ​ച്ച​വെ​ച്ച് തി​രി​ച്ചോ​ടി. പു​ലി​ക​ൾ ര​ണ്ടും സ​മീ​പ​ത്തെ ചോ​ല​യി​ലേ​ക്ക് ഓ​ടി​മ​റ​യു​ക​യും ചെ​യ്തു. ഈ ​ഫീ​ൽ​ഡി​ൽ ചൊ​വ്വാ​ഴ്ച കൊ​ളു​ന്ത് ശേ​ഖ​ര​ണം നി​ർ​ത്തി​വെ​ച്ച്‌ തൊ​ഴി​ലാ​ളി​ക​ളെ നാ​ലാം ന​മ്പ​ർ ഫീ​ൽ​ഡി​ലേ​ക്ക് മാ​റ്റി.

നാ​ലു​ദി​വ​സം മു​മ്പ്​ തീ​ർ​ഥ​മ​ല​യി​ലെ തൊ​ഴി​ലാ​ളി കാ​ട്ടു​രാ​ജ​യു​ടെ ക​റ​വ​പ്പ​ശു​വി​നെ പു​ലി ആ​ക്ര​മി​ച്ച് ഗു​രു​ത​ര പ​രി​ക്കേ​ൽ​പി​ച്ചി​രു​ന്നു. ക​ഴി​ഞ്ഞ ശ​നി​യാ​ഴ്ച തൊ​ഴി​ലാ​ളി ല​യ​ങ്ങ​ൾ​ക്ക് 50 മീ​റ്റ​ർ അ​ടു​ത്ത് വ​രെ എ​ത്തി​യ പു​ലി മാ​നി​നെ പി​ടി​കൂ​ടി കാ​ട്ടി​ലേ​ക്ക് വ​ലി​ച്ചി​ഴ​ച്ച് കൊ​ണ്ടു​പോ​കു​ന്ന​ത് ക​ണ്ട​താ​യി തൊ​ഴി​ലാ​ളി​ക​ൾ പ​റ​യു​ന്നു.

തീ​ർ​ഥ​മ​ല​യി​ൽ​നി​ന്ന് നാ​ല്​ കി​ലോ​മീ​റ്റ​ർ തേ​യി​ല​ത്തോ​ട്ട​ത്തി​ലൂ​ടെ ന​ട​ന്നാ​ണ് ഈ ​ഡി​വി​ഷ​നി​ലെ കു​ട്ടി​ക​ൾ സ്കൂ​ളി​ൽ പോ​കു​ന്ന​ത്. ഇ​വി​ടെ പ​ല​ത​വ​ണ പു​ലി​ക​ളെ ക​ണ്ട​തോ​ടെ മാ​താ​പി​താ​ക്ക​ളും ഭീ​തി​യി​ലാ​ണ്. വ​നം​വ​കു​പ്പ് അ​ടി​യ​ന്ത​ര​മാ​യി ഇ​വി​ടെ കൂ​ട് സ്ഥാ​പി​ച്ച് പു​ലി​ക​ളെ പി​ടി​കൂ​ട​ണ​മെ​ന്നാ​ണ് ആ​വ​ശ്യം.