മൂലമറ്റം ഫയർ സ്​റ്റേഷനെ രക്ഷിക്കാൻ ആര്​ വരും?

മൂ​ല​മ​റ്റം: മൂ​ല​മ​റ്റം ഫ​യ​ർ സ്റ്റേ​ഷ​ൻ പ്ര​വ​ർ​ത്തി​ക്കു​ന്ന​ത് മ​ഴ​യ​ത്ത് ചോ​ർ​ന്നൊ​ലി​ക്കു​ന്ന ത​ക​ര​ഷീ​റ്റ് മേ​ഞ്ഞ കെ​ട്ടി​ട​ത്തി​ൽ. വേ​ന​ലാ​കു​ന്ന​തോ​ടെ വി​യ​ർ​ത്തു കു​ളി​ച്ചി​രി​ക്കേ​ണ്ടി വ​രു​ന്ന ഇവിടെയുള്ള ഉ​ദ്യോ​ഗ​സ്ഥ​രു​ടെ അ​വ​സ്ഥ ഏ​റെ പ​രി​താ​പ​ക​ര​മാ​ണ്. മ​ഴ​യ​ത്ത് കു​ട​ചൂ​ടി ഓ​ഫി​സി​ൽ നി​ൽ​ക്കു​ന്ന​വ​ർ വെ​യി​ലാ​കു​ന്ന​തോ​ടെ സ​മീ​പ​ത്തെ മ​ര​ച്ചു​വ​ട്ടി​ലും മ​റ്റും അ​ഭ​യം പ്രാ​പി​ക്കും.

2014 ഫെ​ബ്രു​വ​രി 21നാ​ണ് മൂ​ല​മ​റ്റ​ത്ത് ഫ​യ​ർ​സ്റ്റേ​ഷ​ൻ ആ​രം​ഭി​ച്ച​ത്. യൂ​നി​റ്റ്​ ആ​രം​ഭി​ച്ചി​ട്ട്​ പ​തി​റ്റാ​ണ്ടോ​ട്​ അ​ടു​ത്തെ​ങ്കി​ലും പു​തി​യ കെ​ട്ടി​ടം നി​ർ​മി​ക്കാ​ത്ത​താ​ണ് സേ​നാം​ഗ​ങ്ങ​ൾ​ക്ക്​ ദു​രി​ത​മാ​കു​ന്ന​ത്. വൈ​ദ്യു​തി വ​കു​പ്പി​ന്‍റെ ഗോ​ഡൗ​ണി​ലാ​ണ് നി​ല​വി​ൽ ഫ​യ​ർ സ്റ്റേ​ഷ​ൻ പ്ര​വ​ർ​ത്തി​ക്കു​ന്ന​ത്. ഈ ​കെ​ട്ടി​ട​ത്തി​ന്‍റെ ദു​ര​വ​സ്ഥ കാ​ര​ണം സേ​നാം​ഗ​ങ്ങ​ളി​ൽ പ​ല​രും രോ​ഗി​ക​ളാ​യി മാ​റു​ന്ന അ​വ​സ്ഥ​യാ​ണെ​ന്നും പ​റ​യു​ന്നു.

ക്രെ​യി​നു​ക​ളും മ​റ്റും സൂ​ക്ഷി​ക്കാ​ൻ നി​ർ​മി​ച്ച​താ​യ​തി​നാ​ൽ കെ​ട്ടി​ട​ത്തി​ന്‍റെ എ​ൺ​പ​ത​ടി​യോ​ളം ഉ​യ​ര​ത്തി​ലാ​ണ്​ മേ​ൽ​ക്കൂ​ര. ടി​ൻ ഷീ​റ്റു​ക​ൾ​കൊ​ണ്ട് നി​ർ​മി​ച്ച മേ​ൽ​ക്കൂ​ര ചോ​ർ​ന്ന് മ​ഴ​ക്കാ​ല​ത്ത് വെ​ള്ളം കെ​ട്ടി​ട​ത്തി​നു​ള്ളി​ൽ ത​ളം കെ​ട്ടി​ക്കി​ട​ക്കും. വേ​ന​ൽ​ക്കാ​ല​ത്ത് ചെ​റി​യ കാ​റ്റ​ത്തു​പോ​ലും ഷീ​റ്റു​ക​ൾ പ​റ​ന്നു​പോ​കും.

പൊ​ടി​ശ​ല്യ​വും അ​സ​ഹ്യ​മാ​യ ചൂ​ടും മ​ഴ​വെ​ള്ളം പ​തി​ക്കു​ന്ന​തും മൂ​ലം അ​ല​ർ​ജി​യും ശ്വാ​സ​കോ​ശ സം​ബ​ന്ധ​മാ​യ രോ​ഗ​ങ്ങ​ളും പി​ടി​പെ​ടു​ന്ന​തി​നാ​ൽ കെ​ട്ടി​ട​ത്തി​നു​ള്ളി​ൽ​നി​ന്ന്​ മാ​റി സ​മീ​പ​ത്തെ മ​ര​ച്ചു​വ​ട്ടി​ലാ​ണ് ജീ​വ​ന​ക്കാ​ർ വി​ശ്ര​മി​ക്കു​ന്ന​ത്. ക​മ്പ്യൂ​ട്ട​റും പ്രി​ന്‍റ​റും ഉ​ൾ​പ്പെ​ടെ ഉ​പ​ക​ര​ണ​ങ്ങ​ൾ പ്ലാ​സ്റ്റി​ക് ഷീ​റ്റ്​ ഉ​പ​യോ​ഗി​ച്ച് മൂ​ടി​യാ​ണ് സൂ​ക്ഷി​ക്കു​ന്ന​ത്. ഒ​രു വ​ലി​യ ഹാ​ളി​നെ പ​ല​താ​യി തി​രി​ച്ച് ഓ​ഫി​സ്, വി​ശ്ര​മ​മു​റി, ക​മ്പ്യൂ​ട്ട​ർ റൂം, ​അ​ടു​ക്ക​ള എ​ന്നി​വ സ​ജ്ജീ​ക​രി​ച്ചി​രി​ക്കു​ന്ന​തി​നാ​ൽ പ്രാ​യോ​ഗി​ക ബു​ദ്ധി​മു​ട്ടു​ക​ളേ​റെ​യാ​ണ്. 28 അം​ഗ​ങ്ങ​ളു​ണ്ടെ​ങ്കി​ലും എ​ല്ലാ​വ​ർ​ക്കും കി​ട​ക്കാ​ൻ ക​ട്ടി​ലി​ല്ല. നി​ല​വി​ലെ താ​ൽ​ക്കാ​ലി​ക കെ​ട്ടി​ട​ത്തി​ന്​ സ​മീ​പം ഒ​രേ​ക്ക​ർ സ്ഥ​ല​വും കെ​ട്ടി​ട നി​ർ​മാ​ണ​ത്തി​ന്​ 50 ല​ക്ഷം രൂ​പ​യും അ​നു​വ​ദി​ച്ചി​ട്ട് വ​ർ​ഷ​ങ്ങ​ളാ​യി.

കെ.​എ​സ്.​ഇ.​ബി​യു​ടെ അ​ധീ​ന​ത​യി​ലു​ള്ള ഭൂ​മി വി​ട്ടു​ന​ൽ​കി​യി​ട്ടും നാ​ളേ​റെ​യാ​യി. അ​ഗ്​​നി​ര​ക്ഷാ സേ​ന​യു​ടെ അ​ധീ​ന​ത​യി​ലേ​ക്ക് എ​ഴു​തി വാ​ങ്ങു​ന്ന​തി​ലു​ണ്ടാ​യ കാ​ല​താ​മ​സ​മാ​ണ് കെ​ട്ടി​ടം പ​ണി വൈ​കാ​ൻ കാ​ര​ണ​മെ​ന്ന് പ​റ​യു​ന്നു.

അ​റ​ക്കു​ളം, കു​ട​യ​ത്തൂ​ർ, മു​ട്ടം, വെ​ള്ളി​യാ​മ​റ്റം പ​ഞ്ചാ​യ​ത്തു​ക​ളി​ലാ​യി നി​ര​വ​ധി ര​ക്ഷാ​പ്ര​വ​ർ​ത്ത​ന​ങ്ങ​ൾ ന​ട​ത്തി​വ​രു​ന്ന മൂ​ല​മ​റ്റം അ​ഗ്​​നി​ര​ക്ഷാ സേ​ന​ക്ക്​ എ​ത്ര​യും വേ​ഗം സ്വ​ന്തം കെ​ട്ടി​ടം നി​ർ​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.