ജലാശയ മലിനീകരണം; ജില്ലയിൽ പിഴയീടാക്കിയത് നാനൂറോളം കേസുകളിൽ

തൊ​ടു​പു​ഴ: ജ​ലാ​ശ​യ​ങ്ങ​ൾ മ​ലി​ന​മാ​ക്കി​യെ​ന്ന പ​രാ​തി​ക​ളി​ൽ ജി​ല്ല​യി​ൽ ത​ദ്ദേ​ശ സ്ഥാ​പ​ന​ങ്ങ​ൾ പി​ഴ​യീ​ടാ​ക്കി​യ​ത് നാ​നൂ​റോ​ളം കേ​സു​ക​ളി​ലെ​ന്ന് സ​ർ​ക്കാ​ർ രേ​ഖ. ക​ഴി​ഞ്ഞ മൂ​ന്ന് വ​ർ​ഷ​ത്തി​നി​ടെ 394 കേ​സു​ക​ളി​ലാ​യി 17,97,670 രൂ​പ​യാ​ണ് ജി​ല്ല​യി​ലെ വി​വി​ധ ത​ദ്ദേ​ശ സ്ഥാ​പ​ന​ങ്ങ​ളി​ൽ പി​ഴ​യാ​യി ഈ​ടാ​ക്കി​യ​ത്.

സം​സ്ഥാ​ന​ത്ത് ത​ന്നെ ഏ​റ്റ​വും കൂ​ടു​ത​ൽ പി​ഴ​കേ​സു​ക​ൾ ചു​മ​ത്തി​യ ജി​ല്ല​ക​ളി​ലൊ​ന്നും ഇ​ടു​ക്കി​യാ​ണ്.

ഇ​തോ​ടൊ​പ്പം ജ​ലാ​ശ​യ മ​ലി​നീ​ക​ര​ണ​വു​മാ‍യി ബ​ന്ധ​പ്പെ​ട്ട മൂ​ന്ന് കേ​സു​ക​ൾ കോ​ട​തി​യി​ലു​മെ​ത്തി. ഇ​തി​ൽ ഒ​രെ​ണ്ണ​ത്തി​ൽ കു​റ്റ​സ്ഥാ​പ​ന​വും ന​ട​ന്ന​താ​യി ത​ദ്ദേ​ശ സ്വ​യം ഭ​ര​ണ വ​കു​പ്പി​ന്റെ ക​ണ​ക്കു​ക​ൾ വ്യ​ക്ത​മാ​ക്കു​ന്നു.

പ​രി​ശോ​ധ​ന​ക​ൾ​ക്ക് ഇട​യി​ലും മ​ലി​നീ​ക​ര​ണം വ്യാ​പ​കം

ജ​ലാ​ശ​യ​ങ്ങ​ളി​ലേ​യും നീ​രു​റ​വ​ക​ളി​ലേ​യും മ​ലി​നീ​ക​ര​ണ​ത്തി​നെ​തി​രെ പ​രി​ശോ​ധ​ന​ക​ൾ ശ​ക്ത​മാ​ക്കു​മ്പോ​ഴും മ​ലി​നീ​ക​ര​ണം വ്യാ​പ​ക​മാ​ണെ​ന്നാ​ണ് ഉ​ദ്യോ​ഗ​സ്ഥ​ർ ത​ന്നെ വ്യ​ക്ത​മാ​ക്കു​ന്ന​ത്. സം​സ്ഥാ​ന മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ് ജി​ല്ല​യി​ലേ​ത​ട​ക്കം സം​സ്ഥാ​ന​ത്തെ വി​വി​ധ ജ​ലാ​ശ​യ​ങ്ങ​ളി​ലെ 352 സ്റ്റേ​ഷ​നു​ക​ളി​ൽ നി​ന്നും വെ​ള്ള​ത്തി​ൻ​റെ സാ​മ്പി​ൾ ശേ​ഖ​രി​ച്ച് ഗു​ണ​നി​ല​വാ​ര പ​രി​ശോ​ധ​ന ന​ട​ത്തി​യി​രു​ന്നു.

ഈ ​പ​രി​ശോ​ധ​ന​യി​ൽ ജ​ലാ​ശ​യ​ങ്ങ​ളി​ൽ പൊ​തു​വാ​യി കോ​ളി​ഫോം ബാ​ക്ടീ​രി​യ​യു​ടെ അ​ള​വ് കൂ​ടു​ത​ലാ​ണെ​ന്ന് ക​ണ്ടെ​ത്തി​യി​രു​ന്നു. ഇ​തി​നെ തു​ട​ർ​ന്നാ​ണ് ത​ദ്ദേ​ശ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ സ്ക്വാ​ഡു​ക​ൾ രൂ​പീ​ക​രി​ച്ച് പ​രി​ശോ​ധ​ന കാ​ര്യ​ക്ഷ​മ​മാ​ക്കാ​ൻ സ​ർ​ക്കാ​ർ നി​ർ​ദേ​ശം ന​ൽ​കി​യ​ത്. ഇ​തി​ന്റെ തു​ട​ർ​പ്ര​വ​ർ​ത്ത​ന​ങ്ങ​ളാ​ണ് ജി​ല്ല​യി​ലും ന​ട​ന്ന​ത്

ജ​ലാ​ശ​യ മ​ലി​നീ​ക​ര​ണം; 5000 മു​ത​ൽ 50000 വ​രെ പി​ഴ

പ​ഞ്ചാ​യ​ത്ത് രാ​ജ്, മു​നി​സി​പ്പാ​ലി​റ്റി ആ​ക്ട് നി​യ​മ​ങ്ങ​ൾ പ്ര​കാ​രം ജ​ലാ​ശ​യ​ങ്ങ​ളി​ലേ​ക്കോ ജ​ല​മാ​ർ​ഗ​ങ്ങ​ളി​ലേ​ക്കോ മാ​ലി​ന്യ​ങ്ങ​ൾ ഒ​ഴു​ക്കു​ന്ന​വ​രി​ൽ നി​ന്ന് 5000 രൂ​പ മു​ത​ൽ 50000 രൂ​പ വ​രെ പി​ഴ​യീ​ടാ​ക്കു​ന്ന​തി​ന് ബ​ന്ധ​പ്പെ​ട്ട ത​ദ്ദേ​ശ സ്ഥാ​പ​ന സെ​ക്ര​ട്ട​റി​മാ​ർ​ക്ക് അ​നു​മ​തി ന​ൽ​കി​യി​ട്ടു​ണ്ട്.

ജി​ല്ല​യി​ലെ വി​നോ​ദ​ഞ്ചാ​ര കേ​ന്ദ്ര​ങ്ങ​ളി​ല​ട​ക്കം ഇ​തി​ന്റെ ഭാ​ഗ​മാ​യി പ​രി​ശോ​ധ​ന​ക​ളും ന​ട​ക്കു​ന്നു​ണ്ട്.

ഇ​തേ സ​മ​യം വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ല​ട​ക്കം നി​ര​വ​ധി സ്ഥാ​പ​ന​ങ്ങ​ളു​ടെ മാ​ലി​ന്യം പൊ​തു ഓ​ട​ക​ളി​ലേ​ക്കും ജ​ലാ​ശ​യ​ങ്ങ​ളി​ലേ​ക്കും ഒ​ഴു​ക്കു​ന്ന​താ​യ പ​രാ​തി​ക​ളും നി​ര​വ​ധി​യു​ണ്ട്. എ​ന്നാ​ൽ ന​ട​പ​ടി​ക​ൾ പേ​രി​ന് മാ​ത്ര​മാ​യി ഒ​തു​ങ്ങു​ക​യാ​ണെ​ന്ന പ​രാ​തി​ക​ളും കു​റ​വ​ല്ല.