വ​ണ്ണ​പ്പു​റം, ചേ​ല​ച്ചു​വ​ട്​ വ​ഴി ഇ​ടു​ക്കി; ഗൂ​ഗ്​​ൾ മാ​പ്പ്​ നോ​ക്കി​യാ​ലും സൂ​ക്ഷി​ക്ക​ണം

വ​ണ്ണ​പ്പു​റം: ഇ​ടു​ക്കി​യി​ലേ​ക്ക്​ വ​ണ്ണ​പ്പു​റം, ചേ​ല​ച്ചു​വ​ട്​ വ​ഴി​യു​ള്ള പാ​ത​യി​ൽ അ​പ​ക​ട​ങ്ങ​ൾ കൂ​ടു​ന്നു. മാ​സ​ങ്ങ​ൾ​ക്കി​ടെ നി​ര​വ​ധി അ​പ​ക​ട​മാ​ണ്​ ഇ​വി​ടെ ഉ​ണ്ടാ​യ​ത്. എ​റ​ണാ​കു​ള​ത്തു​നി​ന്നും മ​റ്റ് പ്ര​ദേ​ശ​ങ്ങ​ളി​ൽ​നി​ന്നും ഇ​ടു​ക്കി​യി​ലേ​ക്ക് പോ​കു​ന്ന​വ​ർ​ക്ക്​ എ​ളു​പ്പ​മാ​ർ​ഗ​മാ​യി ഗൂ​ഗ്​​ൾ മാ​പ്പ് കാ​ണി​ക്കു​ന്ന​ത് വ​ണ്ണ​പ്പു​റം വ​ഴി​യാ​ണ്. എ​ന്നാ​ൽ, റൂ​ട്ട്​ പ​രി​ച​യ​മി​ല്ലാ​ത്ത​വ​ർ​ക്ക് ഇ​തി​ലൂ​ടെ​യു​ള്ള യാ​ത്ര ദു​ഷ്ക​ര​മാ​ണ്.

തു​ട​രെ​യു​ള്ള ഹെ​യ​ർ​പി​ൻ വ​ള​വു​ക​ളും സം​ര​ക്ഷ​ണ ഭി​ത്തി​ക​ൾ ഇ​ല്ലാ​ത്ത​തു​മാ​ണ് അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്ന​ത്. ഗൂ​ഗ്​​ൾ മാ​പ്പി​ന്‍റെ സ​ഹാ​യ​ത്തോ​ടെ ലോ​ഡ്​ ക​യ​റ്റി​വ​രു​ന്ന വ​ലി​യ ച​ര​ക്ക് വാ​ഹ​ന​ങ്ങ​ളാ​ണ്​ ഈ ​റൂ​ട്ടി​ൽ എ​ത്തു​ന്ന​തോ​ടെ കെ​ണി​യി​ൽ​പെ​ടു​ന്ന​ത്. വ​ള​വു​ക​ൾ തി​രി​യാ​നു​ള്ള പ്ര​യാ​സ​വും കു​ത്ത​നെ ഇ​റ​ക്ക​വു​മാ​ണ് ലോ​ഡ് വാ​ഹ​ന​ങ്ങ​ളെ അ​പ​ക​ട​ത്തി​ൽ​പെ​ടു​ത്തു​ന്ന​ത്.

കൂ​ടാ​തെ പ​രി​ച​യ​മി​ല്ലാ​തെ ഡ്രൈ​വ​ർ​മാ​ർ ഈ ​റൂ​ട്ടി​ലൂ​ടെ വ​രു​മ്പോ​ൾ കു​ത്ത​നെ​യു​ള്ള ക​യ​റ്റം ക​യ​റാ​ൻ ബു​ദ്ധി​മു​ട്ടു​ന്ന​തും ചി​ല വാ​ഹ​ന​ങ്ങ​ൾ നി​യ​ന്ത്ര​ണം​വി​ടു​ന്ന​തും പ​തി​വാ​ണ്. മു​മ്പ് ലോ​ഡു​മാ​യി വ​ന്ന ഒ​രു ലോ​റി ക​യ​റ്റം ക​യ​റു​ന്ന​തി​നി​ട​യി​ൽ നി​യ​ന്ത്ര​ണം ന​ഷ്ട​പ്പെ​ട്ട് പി​​ന്നോ​ട്ട്​ ​വ​ന്ന് ഒ​രു വീ​ട്ടി​ലേ​ക്ക്​ മ​റി​യു​ക​യും ര​ണ്ടു​പേ​ർ മ​രി​ക്കു​ക​യും ചെ​യ്തി​രു​ന്നു. അ​ധി​കൃ​ത​ർ ഇ​തു​വ​രെ സു​ര​ക്ഷാ​സം​വ​ധാ​ന​ങ്ങ​ൾ ഏ​ർ​പ്പെ​ടു​ത്തി​യി​ട്ടി​ല്ല.