Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightസംരക്ഷണഭിത്തി...

സംരക്ഷണഭിത്തി ഇടിഞ്ഞ്​​ രണ്ട്​ തൊഴിലാളികൾ മണ്ണിനടിയിൽപെട്ടു ; ഒന്നര മണിക്കൂറെടുത്ത്​ രക്ഷപ്പെടുത്തി

text_fields
bookmark_border
സംരക്ഷണഭിത്തി ഇടിഞ്ഞ്​​ രണ്ട്​ തൊഴിലാളികൾ മണ്ണിനടിയിൽപെട്ടു ; ഒന്നര മണിക്കൂറെടുത്ത്​  രക്ഷപ്പെടുത്തി
cancel
camera_alt

മീന്മുട്ടിയിൽ മണ്ണിനടിയിൽപെട്ട തൊഴിലാളികളെ പുറത്തെടുക്കാൻ അഗ്​നിരക്ഷാസേന​യുടെയും നാട്ടുകാരുടെയും നേതൃത്വത്തിൽ നടന്ന രക്ഷാപ്രവർത്തനം

ആലക്കോട്: വീടി​െൻറ സംരക്ഷണഭിത്തി ഇടിഞ്ഞ് തൊഴിലാളികള്‍ മണ്ണിനടിയിൽപെട്ടു. നാട്ടുകാരും അഗ്​നിരക്ഷാസേനയും പൊലീസും ചേർന്ന്​ ഒന്നരമണിക്കൂറോളം നടത്തിയ പരിശ്രമത്തിനൊടുവിൽ രണ്ട്​ തൊഴിലാളികളെ പരിക്കുകളോടെ രക്ഷപ്പെടുത്തി. അഞ്ചിരിക്കവല ചീമ്പാറ ജമാല്‍ (54), ഇടവെട്ടി പതിക്കുഴിയില്‍ അബ്​ദുൽറഹിമാൻ (അന്ത്രു -55) എന്നിവര്‍ക്കാണ് പരിക്കേറ്റത്.

ഗുരുതര പരിക്കേറ്റ ജമാലിനെ കോട്ടയം മെഡിക്കല്‍ കോളജ് ആശുപത്രിയിലേക്ക്​ മാറ്റി. ബുധനാഴ്​ച വൈകീട്ട്​ മൂന്നോടെ മീന്‍മുട്ടിയിലാണ് സംഭവം. പുല്‍പ്പറമ്പില്‍ ജോബിയുടെ വീട്ടുമുറ്റത്തേക്കാണ് കനത്ത മഴയില്‍ സംരക്ഷണഭിത്തി ഇടിഞ്ഞുവീണത്. അയല്‍വാസി മാഞ്ഞിലാട്ട് ജോസി​െൻറ വീടിനോടു ചേര്‍ന്ന സംരക്ഷണഭിത്തിയുടെ അടിഭാഗം ബലപ്പെടുത്തുന്നതിനിടെ 12 അടി ഉയരത്തില്‍നിന്നാണ് കെട്ട് ഇടിഞ്ഞുവീണത്. സംഭവസമയം നാല് തൊഴിലാളികളും ജോബിയുമാണ് നിര്‍മാണത്തില്‍ ഏര്‍പ്പെട്ടിരുന്നത്. മറ്റുള്ളവര്‍ ഓടിമാറിയെങ്കിലും രണ്ടുപേരുടെ ദേഹത്തേക്ക്​ മണ്ണും കല്ലും പതിക്കുകയായിരുന്നു. അരക്കൊപ്പം മണ്ണില്‍ പുതഞ്ഞ നിലയിലായിരുന്നു തൊഴിലാളികള്‍. അഗ്​നിരക്ഷാസേനയും നാട്ടുകാരും വളരെനേരം പരിശ്രമിച്ചാണ്​ ജമാലിനെ മണ്ണിനടിയില്‍നിന്ന് രക്ഷപ്പെടുത്തിയത്.

വീടും സംരക്ഷണഭിത്തിയും തമ്മില്‍ വീതി കുറവായതിനാല്‍ രക്ഷാപ്രവര്‍ത്തനം ദുഷ്​കരമായിരുന്നു. തൊടുപുഴ അഗ്​നിരക്ഷാകേന്ദ്രം അസി. സ്‌റ്റേഷന്‍ഓഫിസര്‍ പി.വി. രാജന്‍, ഉദ്യോഗസ്ഥരായ ബെല്‍ജി വര്‍ഗീസ്, കെ.എം. നാസര്‍, മനു ആൻറണി, ഒ.ജി. രാഗേഷ്‌കുമാര്‍, എസ്.ഒ. സുഭാഷ്, പി. സജാദ്, അന്‍വര്‍ ഷാന്‍, അഭിലാഷ്, ജിന്‍സ് മാത്യു, വിജിന്‍ എന്നിവരും രക്ഷാപ്രവര്‍ത്തനത്തില്‍ പങ്കെടുത്തു. പഞ്ചായത്ത് പ്രസിഡൻറ്​ സിബി ജോസ്, തഹസില്‍ദാര്‍ ജോസ്ു​കുട്ടി തുടങ്ങിയവർ സ്ഥലത്തെത്തി.

Show Full Article
TAGS:iduki alakode 
Next Story