ഉ​പ്പു​ത​റ പ​ഞ്ചാ​യ​ത്തി​ല്‍ തു​മ്പൂ​ര്‍മൂ​ഴി യൂ​നി​റ്റു​ക​ള്‍ പ്ര​വ​ര്‍ത്ത​നം ആ​രം​ഭി​ച്ചു

ഉ​പ്പു​ത​റ: ‘മാ​ലി​ന്യ​മു​ക്തം ന​വ​കേ​ര​ളം’ കാ​മ്പ​യി​ന്‍റെ ഭാ​ഗ​മാ​യി ഉ​പ്പു​ത​റ ഗ്രാ​മ​പ​ഞ്ചാ​യ​ത്തി​ല്‍ തു​മ്പൂ​ര്‍മൂ​ഴി മാതൃക യൂ​നി​റ്റു​ക​ള്‍ പ്ര​വ​ര്‍ത്ത​നം ആ​രം​ഭി​ച്ചു. പ​ഞ്ചാ​യ​ത്തി​ലെ ജൈ​വ​മാ​ലി​ന്യ പ്ര​ശ്ന​ത്തി​ന് പ​രി​ഹാ​രം കാ​ണു​ക എ​ന്ന ല​ക്ഷ്യ​വു​മാ​യി 10 യൂ​നി​റ്റു​ക​ളാ​ണ് പ്ര​വ​ര്‍ത്ത​ന​മാ​രം​ഭി​ച്ച​ത്. പ​ഞ്ചാ​യ​ത്ത് പ്ര​സി​ഡ​ന്‍റ്​ ജെ​യിം​സ് ജേ​ക്ക​ബ് ഉ​ദ്ഘാ​ട​നം ചെ​യ്തു. വൈ​സ് പ്ര​സി​ഡ​ന്‍റ്​ സി​നി ജോ​സ​ഫ് അ​ധ്യ​ക്ഷ​ത വ​ഹി​ച്ചു.

ഉ​പ്പു​ത​റ ടൗ​ണ്‍ കേ​ന്ദ്രീ​ക​രി​ച്ചു​ള്ള പ​ഴം - പ​ച്ച​ക്ക​റി, മ​ത്സ്യ വ്യാ​പാ​രം, ബേ​ക്ക​റി, ഹോ​ട്ട​ലു​ക​ള്‍, മ​റ്റ് ജൈ​വ​മാ​ലി​ന്യ ഉ​ല്‍പാ​ദ​ക​രാ​യ സ്ഥാ​പ​ന​ങ്ങ​ള്‍ എ​ന്നി​വി​ട​ങ്ങ​ളി​ല്‍ നി​ന്നും അ​നു​ബ​ന്ധ വീ​ടു​ക​ളി​ല്‍നി​ന്നും ജൈ​വ​മാ​ലി​ന്യം ദി​വ​സേ​ന ഹ​രി​ത ക​ര്‍മ​സേ​ന അം​ഗ​ങ്ങ​ൾ രാ​വി​ലെ ആ​റ്​ മു​ത​ല്‍ ഏ​ഴ് വ​രെ ശേ​ഖ​രി​ക്കും. തു​ട​ര്‍ന്ന് ഇ​വ കൃ​ത്യ​മാ​യി തു​മ്പൂ​ര്‍മൂ​ഴി ജൈ​വ​മാ​ലി​ന്യ സം​സ്‌​ക​ര​ണ രീ​തി​യു​ടെ സ​ഹാ​യ​ത്തോ​ടെ ജൈ​വ​വ​ള​മാ​ക്കു​ക​യാ​ണ് ചെ​യ്യു​ക.

വാ​ര്‍ഡ് അം​ഗ​ങ്ങ​ളാ​യ സാ​ബു വേ​ങ്ങ​വേ​ലി​ല്‍, ജെ​യിം​സ് തോ​ക്കൊ​മ്പേ​ല്‍, പ​ഞ്ചാ​യ​ത്ത് അ​സി. സെ​ക്ര​ട്ട​റി പി.​വി. തോ​മ​സ്, നി​ര്‍വ​ഹ​ണ ഉ​ദ്യോ​ഗ​സ്ഥ​ര്‍, ഹ​രി​ത ക​ർ​മ​സേ​ന അം​ഗ​ങ്ങ​ള്‍ തു​ട​ങ്ങി​യ​വ​ര്‍ ഉ​ദ്ഘാ​ട​ന ച​ട​ങ്ങി​ല്‍ പ​ങ്കെ​ടു​ത്തു.