സഞ്ചാരികളുടെ ജീപ്പ് അപകടത്തിൽപെട്ടു

മൂലമറ്റം: വാഗമൺ സന്ദർശകർ സഞ്ചരിച്ചിരുന്ന ജീപ്പ് പുള്ളിക്കാനത്തിന് സമീപം എസ് വളവിൽ അപകടത്തിൽപെട്ടു. നിയന്ത്രണംവിട്ട് ജീപ്പ് കാനയിലേക്ക് മറിയുകയായിരുന്നു. ജീപ്പിലുണ്ടായിരുന്ന നോർത്ത് പറവൂർ സ്വദേശി അജിത്തും ഭാര്യയും പരിക്കുകളില്ലാതെ രക്ഷപ്പെട്ടു. മൂലമറ്റം അഗ്നിരക്ഷ സേനയും കാഞ്ഞാർ പൊലീസും സ്ഥലത്തെത്തി രക്ഷാപ്രവർത്തനം നടത്തി.