തൊ​ടു​പു​ഴ ന​ഗ​ര​സ​ഭ; പ​രി​ഷ്‌​ക​രി​ച്ച മാ​സ്റ്റ​ര്‍ പ്ലാ​നി​ന് സ​ര്‍ക്കാ​ര്‍ അ​നു​മ​തി

2021 ജൂ​ലൈ 13നാ​ണ് ക​ര​ട് മാ​സ്റ്റ​ര്‍ പ്ലാ​ന്‍ പ്ര​സി​ദ്ധീ​ക​രി​ച്ച​ത്

തൊ​ടു​പു​ഴ: ന​ഗ​ര​സ​ഭ​യു​ടെ പ​രി​ഷ്‌​ക​രി​ച്ച മാ​സ്റ്റ​ര്‍ പ്ലാ​നി​ന് സ​ര്‍ക്കാ​ര്‍ അ​ന്തി​മ അ​നു​മ​തി ന​ല്‍കി​യ​താ​യി പി.​ജെ. ജോ​സ​ഫ് എം.​എ​ൽ.​എ അ​റി​യി​ച്ചു.

പൊ​തു​ജ​ന​ങ്ങ​ളു​ടെ ആ​ക്ഷേ​പ​ങ്ങ​ള്‍ സ്വീ​ക​രി​ച്ച ശേ​ഷം മാ​സ്റ്റ​ര്‍ പ്ലാ​ന്‍ സ​ര്‍ക്കാ​റി​ന് പു​തു​ക്കി സ​മ​ര്‍പ്പി​ച്ചി​രു​ന്നു. ഇ​തി​നാ​ണ് ഇ​പ്പോ​ള്‍ അ​നു​മ​തി ല​ഭി​ച്ച​ത്.

2021 ജൂ​ലൈ 13നാ​ണ് ക​ര​ട് മാ​സ്റ്റ​ര്‍ പ്ലാ​ന്‍ പ്ര​സി​ദ്ധീ​ക​രി​ച്ച​ത്. തു​ട​ര്‍ന്ന് ഇ​ത്​ സം​ബ​ന്ധി​ച്ച്​ പ​രാ​തി​ക​ള്‍ സ്വീ​ക​രി​ക്കാ​ൻ അ​പേ​ക്ഷ ക്ഷ​ണി​ച്ചു. ന​ഗ​ര​സ​ഭ​ക്ക് ല​ഭി​ച്ച നി​ര​വ​ധി പ​രാ​തി​ക​ള്‍ ചെ​യ​ര്‍മാ​ന്‍ സ​നീ​ഷ് ജോ​ര്‍ജ്, കൗ​ണ്‍സി​ല​ര്‍മാ​രാ​യ അ​ഡ്വ. ജോ​സ​ഫ് ജോ​ണ്‍, മു​ഹ​മ്മ​ദ് അ​ഫ്‌​സ​ല്‍, സി. ​ജി​തേ​ഷ് എ​ന്നി​വ​ര്‍ ഉ​ള്‍പ്പെ​ട്ട ഉ​പ​സ​മി​തി വി​ശ​ദ​മാ​യി പ​രി​ശോ​ധി​ക്കു​ക​യും കൗ​ണ്‍സി​ല​ര്‍മാ​ര്‍ ഭേ​ദ​ഗ​തി​ക​ള്‍ നി​ർ​ദേ​ശി​ക്കു​ക​യും ചെ​യ്തു.

മാ​സ്റ്റ​ര്‍ പ്ലാ​ൻ സം​ബ​ന്ധി​ച്ച് വ്യാ​പ​ക പ​രാ​തി​ക​ള്‍ ഉ​യ​ർന്ന​തി​നെ തു​ട​ര്‍ന്ന് പി.​ജെ. ജോ​സ​ഫ് എം.​എ​ല്‍.​എ വി​വി​ധ രാ​ഷ്ട്രീ​യ പാ​ര്‍ട്ടി പ്ര​തി​നി​ധി​ക​ളു​ടെ​യും ട്രാ​ക്ക് ഉ​ള്‍പ്പെ​ടെ സാ​മൂ​ഹി​ക സം​ഘ​ട​ന പ്ര​തി​നി​ധി​ക​ളു​ടെ​യും മു​നി​സി​പ്പ​ല്‍ കൗ​ണ്‍സി​ല്‍ അം​ഗ​ങ്ങ​ളു​ടെ​യും യോ​ഗം വി​ളി​ച്ചി​രു​ന്നു.

ടൗ​ണി​ലെ പ്ര​ധാ​ന റോ​ഡു​ക​ളു​ടെ​യും ബൈ​പാ​സു​ക​ളു​ടെ​യും വീ​തി കാ​ര്യ​മാ​യ വ്യ​തി​യാ​നം ഇ​ല്ലാ​തെ നി​ല​നി​ര്‍ത്ത​ണ​മെ​ന്നും റോ​ഡു​ക​ളു​ടെ വ​ശ​ങ്ങ​ളി​ല്‍ വാ​ണി​ജ്യ​കെ​ട്ടി​ട​ങ്ങ​ള്‍ നി​ര്‍മി​ക്ക​ത്ത​ക്ക രീ​തി​യി​ല്‍ അ​നു​മ​തി ന​ല്‍ക​ണ​മെ​ന്നു​ള്ള യോ​ഗ​ത്തി​ന്റെ നി​ർ​ദേ​ശം അം​ഗീ​ക​രി​ക്ക​പ്പെ​ട്ടു.

ന​ഗ​ര​സ​ഭ​യു​ടെ ഉ​ള്‍പ്ര​ദേ​ശ​ങ്ങ​ളി​ലെ റോ​ഡു​ക​ള്‍ക്ക് വ​ലി​യ തോ​തി​ല്‍ വീ​തി കൂ​ട്ടു​ന്ന​തി​ന് എ​തി​രെ​യും തീ​രു​മാ​ന​മു​ണ്ടാ​യി​രു​ന്നു. ഈ ​നി​ർ​ദേ​ശ​ങ്ങ​ള്‍ കൂ​ടി പ​രി​ഗ​ണി​ച്ചാ​ണ് കൗ​ൺ​സി​ലി​ന്​ ഉ​പ​സ​മി​തി ശി​പാ​ർ​ശ ന​ല്‍കി​യ​ത്.

ന​ഗ​ര​സ​ഭ സ​മ​ർ​പ്പി​ച്ച മാ​സ്റ്റ​ര്‍ പ്ലാ​ന്‍ ചീ​ഫ് ടൗ​ണ്‍ പ്ലാ​ന​ര്‍ വി​ശ​ദ​മാ​യി പ​രി​ശോ​ധി​ച്ച്​ സ​ര്‍ക്കാ​റി​ന് സ​മ​ര്‍പ്പി​ച്ചു.

എ​ത്ര​യും വേ​ഗം അം​ഗീ​ക​രി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് എം.​എ​ൽ.​എ ത​ദ്ദേ​ശ സ്വ​യം​ഭ​ര​ണ മ​ന്ത്രി​ക്ക്​ നി​വേ​ദ​നം ന​ൽ​കി​യി​രു​ന്നു. മാ​സ്റ്റ​ര്‍ പ്ലാ​ന്‍ സം​ബ​ന്ധി​ച്ച് പൊ​തു​ജ​ന​ങ്ങ​ള്‍ക്കു​ണ്ടാ​യ ആ​ശ​ങ്ക​ക​ളും ബു​ദ്ധി​മു​ട്ടു​ക​ളും നി​ര്‍മാ​ണ നി​രോ​ധ​ന​വും ഒ​ഴി​വാ​ക്കാ​ന്‍ ക​ഴി​യു​ന്ന​താ​ണ് സ​ര്‍ക്കാ​ര്‍ തീ​രു​മാ​ന​മെ​ന്ന്​ പി.​ജെ. ജോ​സ​ഫ്​ പ​റ​ഞ്ഞു.

മാ​സ്റ്റ​ര്‍ പ്ലാ​ന്‍ കാ​ര​ണം ത​ട​സ്സ​പ്പെ​ട്ട സി​വി​ല്‍ സ്റ്റേ​ഷ​ൻ മൂ​ന്നാം ബ്ലോ​ക്ക്​ നി​ര്‍മാ​ണ​വും പു​ന​രാ​രം​ഭി​ക്കാ​നാ​കും.

വി​വി​ധ ഘ​ട്ട​ങ്ങ​ളി​ല്‍ മാ​സ്റ്റ​ർ പ്ലാ​നി​നു​വേ​ണ്ടി പ്ര​വ​ര്‍ത്തി​ച്ച​വ​രെ പി.​ജെ. ജോ​സ​ഫ്​ അ​ഭി​ന​ന്ദി​ച്ചു.