അ​വ​ധി​ക്കാ​ലം തുടങ്ങി; വെള്ളമാണ്​...ഓർമ വേണം

തൊ​ടു​പു​ഴ: സ്കൂ​ൾ പാ​ഠ്യ​പ​ദ്ധ​തി​യി​ൽ നീ​ന്ത​ൽ ഉ​ൾ​പ്പെ​ടു​ത്തി പ്ര​ഖ്യാ​പ​നം ന​ട​ന്നി​ട്ട്​ വ​ർ​ഷ​ങ്ങ​ളാ​യെ​ങ്കി​ലും മു​ങ്ങി​മ​ര​ണം തു​ട​രു​ക​യാ​ണ്. മ​ധ്യ​വേ​ന​ൽ അ​വ​ധി​ക്കാ​ല​ത്ത്​ മു​ങ്ങി​മ​രി​ക്കു​ന്ന കു​ട്ടി​ക​ളു​ടെ​യും കൗ​മാ​ര​ക്കാ​രു​ടെ​യും എ​ണ്ണം വ​ള​രെ കൂ​ടു​ത​ലാ​ണ്. ബോ​ധ​വ​ത്​​ക​ര​ണ​വും മു​ൻ​ക​രു​ത​ൽ പ്ര​ഖ്യാ​പ​ന​ങ്ങ​ളും ഉ​ണ്ടാ​കു​ന്നു​ണ്ടെ​ങ്കി​ലും മു​ങ്ങി​മ​ര​ണ​ങ്ങ​ൾ ആ​വ​ർ​ത്തി​ക്കു​ക​യാ​ണ്. ക​ടു​​ത്ത ചൂ​ടും അ​വ​ധി​ക്കാ​ല​വും കു​ട്ടി​ക​ൾ അ​ട​ക്ക​മു​ള്ള​വ​രെ ജ​ലാ​ശ​യ​ങ്ങ​ളി​ലേ​ക്ക്​ ആ​ക​ർ​ഷി​ക്കു​ക​യാ​ണ്.

വേ​ന​ല​വ​ധി​യു​ടെ ആ​ഘോ​ഷ​ങ്ങ​ളാ​ണ് പ​ല​പ്പോ​ഴും അ​പ​ക​ട​ത്തി​ലേ​ക്കു വ​ഴിതെ​ളി​ക്കു​ന്ന​ത്. പു​ഴ​ക​ളി​ലും ജ​ലാ​ശ​യ​ങ്ങ​ളി​ലും പ​തി​യി​രി​ക്കു​ന്ന ച​തി​ക്കു​ഴി​ക​ള്‍ അ​റി​യാ​തെ​യാ​ണ് കു​ട്ടി​ക​ള്‍ ഉ​ള്‍പ്പെ​ടെ​യു​ള്ള​വ​ര്‍ ഇ​വി​ടേ​ക്ക്​ എ​ടു​ത്തു ചാ​ടു​ന്ന​ത്. ഓ​രോ വ​ർ​ഷ​വും ജി​ല്ല​യി​ൽ ശ​രാ​ശ​രി 25 പേ​ർ വീ​തം ക​യ​ങ്ങ​ളി​ലും പു​ഴ​ക​ളി​ലും പാ​റ​മ​ട​ക​ളി​ലും കു​ള​ങ്ങ​ളി​ലു​മെ​ല്ലാ​മാ​യി മു​ങ്ങി​മ​രി​ക്കു​ന്നു​ണ്ട്.

ഇ​തി​ൽ വ​ലി​യൊ​രു ശ​ത​മാ​ന​വും അ​വ​ധി​ക്കാ​ല​ത്താ​ണ്. 2019-2022ൽ 122 ​ജീ​വ​നാ​ണ്​ ജ​ലാ​ശ​യ​ങ്ങ​ളി​ൽ ഇ​ല്ലാ​താ​യ​ത്. 2023ൽ 24 ​പേ​ർ മ​ര​ണ​പ്പെ​ട്ടു. 2024ലും ​സ​മാ​ന​മാ​ണ്​ ക​ണ​ക്ക്. നീ​ന്ത​ല്‍ അ​റി​യാ​വു​ന്ന​വ​രും അ​ല്ലാ​ത്ത​വ​രും പു​ഴ​യും കു​ള​ങ്ങ​ളും കാ​ണു​ന്ന ആ​വേ​ശ​ത്തി​ല്‍ വെ​ള്ള​ത്തി​ലേ​ക്കി​റ​ങ്ങു​മ്പോ​ള്‍ ഉ​ണ്ടാ​വു​ന്ന അ​പ​ക​ട​ങ്ങ​ള്‍ ജി​ല്ല​യി​ല്‍ തു​ട​ര്‍ക്ക​ഥ​യാ​കു​ക​യാ​ണ്.

ക​ടു​ത്ത വേ​ന​ല്‍ച്ചൂ​ടി​നെ പ്ര​തി​രോ​ധി​ക്കാ​നാ​ണ് പ​ല​രും പ​ക​ല്‍സ​മ​യ​ങ്ങ​ളി​ല്‍ പു​ഴ​ക​ളി​ലും മ​റ്റും കു​ളി​ക്കാ​നി​റ​ങ്ങു​ന്ന​ത്. ജ​ലാ​ശ​യ​ങ്ങ​ളി​ലെ ക​യ​ങ്ങ​ളി​ലും അ​ടി​യൊ​ഴു​ക്കു​ള്ള ന​ദി​ക​ളി​ലും പ​തി​യി​രി​ക്കു​ന്ന കെ​ണി​ക​ള്‍ കാ​ണാ​തെ​യാ​ണ് പ​ല​രും അ​പ​ക​ട​ത്തി​ലേ​ക്ക് ഊ​ളി​യി​ടു​ന്ന​ത്.

വെ​ള്ള​ത്തി​ല്‍ അ​ക​പ്പെ​ടു​ന്ന​വ​രെ ര​ക്ഷി​ക്കാ​നു​ള്ള ശ്ര​മ​ത്തി​നി​ടെ​യാ​ണ് മ​റ്റു​ള്ള​വ​ര്‍ അ​പ​ക​ട​ത്തി​ൽ​പെ​ടു​ന്ന​ത്. ജ​ലാ​ശ​യ​ങ്ങ​ളു​ടെ​യും പു​ഴ​ക​ളു​ടെ​യും വെ​ള്ള​ച്ചാ​ട്ട​ങ്ങ​ളു​ടെ​യും നാ​ടാ​ണ് ഇ​ടു​ക്കി. അ​ന്യ ജി​ല്ല​ക​ളി​ല്‍നി​ന്നും ഇ​വി​ടേ​ക്ക്​ നി​ര​വ​ധി വി​നോ​ദ​സ​ഞ്ചാ​രി​ക​ള്‍ എ​ത്തു​ന്നു​ണ്ട്. നീ​ന്ത​ല​റി​യാ​തെ പ​ല​രും അ​പ​ക​ട​ത്തി​ൽ​പെ​ടു​ക​യും ചെ​യ്യു​ന്നു​ണ്ട്.

പാ​ലി​ക്കാം, ജാ​ഗ്ര​ത

• ജ​ല​സു​ര​ക്ഷ​യെ​പ്പ​റ്റി കു​ട്ടി​ക​ളെ ബോ​ധ​വ​ത്ക​രി​ക്കു​ക.
• അ​വ​ധി​ക്കാ​ല​ത്ത് മു​തി​ർ​ന്ന​വ​രു​ടെ സാ​ന്നി​ധ്യ​ത്തി​ൽ നീ​ന്ത​ല്‍ പ​രി​ശീ​ലി​പ്പി​ക്കു​ക.
• ബ​ന്ധു​വീ​ടു​ക​ളി​ല്‍ പോ​കു​ന്ന​വ​രോ​ട് മു​തി​ര്‍ന്ന​വ​രി​ല്ലാ​തെ കൂ​ട്ടു​കാ​രു​ടെ കൂ​ടെ വെ​ള്ള​ത്തി​ല്‍ മീ​ന്‍ പി​ടി​ക്കാ​നോ, യാ​ത്ര​ക്കോ, കു​ളി​ക്കാ​നോ പോ​ക​രു​തെ​ന്ന് നി​ര്‍ദേ​ശി​ക്കു​ക.
• വി​നോ​ദ​യാ​ത്ര വേ​ള​ക​ളി​ല്‍ വെ​ള്ള​ത്തി​ല്‍ ഇ​റ​ങ്ങു​മ്പോ​ള്‍ അ​പ​ക​ടം പ​റ്റി​യാ​ല്‍ കൂ​ട്ടു​കാ​രെ ര​ക്ഷ​പ്പെ​ടു​ത്താ​നു​ള്ള സം​വി​ധാ​നം കൂ​ടെ ക​രു​തു​ക.
• ഒ​രു കാ​ര​ണ​വ​ശാ​ലും മ​റ്റൊ​രാ​ളെ ര​ക്ഷി​ക്കാ​ന്‍ വെ​ള്ള​ത്തി​ലേ​ക്ക് ചാ​ട​രു​ത് ക​യ​റോ ക​മ്പോ തു​ണി​യോ നീ​ട്ടി​ക്കൊ​ടു​ത്തു വ​ലി​ച്ചുക​യ​റ്റു​ന്ന​താ​ണ് സു​ര​ക്ഷി​തം.
• വെ​ള്ള​ത്തി​ലേ​ക്ക് എ​ടു​ത്തു ചാ​ടാ​തി​രി​ക്കു​ക. വെ​ള്ള​ത്തി​ന്റെ ആ​ഴം ചി​ല​പ്പോ​ള്‍ കാ​ണു​ന്ന​തി​നേ​ക്കാ​ള്‍ കു​റ​വാ​യി​രി​ക്കാം. ച​ളി​യി​ല്‍ പൂ​ഴ്ന്നു പോ​കാ​നും ത​ല പാ​റ​യി​ല്‍ ഇ​ടി​ക്കാ​നും സാ​ധ്യ​ത​യു​ണ്ട്.
• നേ​രം ഇ​രു​ട്ടി​യ​തി​നു ശേ​ഷം ഒ​രു കാ​ര​ണ​വ​ശാ​ലും വെ​ള്ള​ത്തി​ല്‍ ഇ​റ​ങ്ങ​രു​ത്.
• സു​ഖ​മി​ല്ലാ​ത്ത​പ്പോ​ഴോ മ​രു​ന്നു​ക​ള്‍ ക​ഴി​ക്കു​മ്പോ​ഴോ കു​ട്ടി​ക​ള്‍ വെ​ള്ള​ത്തി​ല്‍ ഇ​റ​ങ്ങാ​തി​രി​ക്കാ​നും ശ്ര​ദ്ധി​ക്ക​ണം.
• കു​ട്ടി​ക​ൾ മു​തി​ർ​ന്ന​വ​രോ​ടൊ​പ്പ​മ​ല്ലാ​തെ ജ​ലാ​ശ​യ​ങ്ങ​ളി​ൽ ഇ​റ​ങ്ങ​രു​ത്.
• ലൈ​ഫ് ജാ​ക്ക​റ്റ് പോ​ലു​ള്ള സു​ര​ക്ഷ സം​വി​ധാ​ന​ങ്ങ​ൾ ഉ​പ​യോ​ഗി​ക്കു​ക.
• അ​പ​ക​ട​സാ​ധ്യ​ത​യു​ള്ള ഇ​ട​ങ്ങ​ളി​ൽ മു​ന്ന​റി​യി​പ്പു​ക​ൾ പി​ന്തു​ട​രു​ക.
• അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ 112ൽ ​വി​ളി​ക്കു​ക.