വണ്ടിപ്പെരിയാർ - മ്ലാമല – തേങ്ങാക്കൽ റോഡ് നവീകരിക്കണം- മനുഷ്യാവകാശ കമീഷൻ

തൊ​ടു​പു​ഴ: വ​ണ്ടി​പ്പെ​രി​യാ​ർ - മ്ലാ​മ​ല - തേ​ങ്ങാ​ക്ക​ൽ റോ​ഡ് ന​വീ​ക​രി​ക്ക​ണ​മെ​ന്ന്​ മ​നു​ഷ്യാ​വ​കാ​ശ ക​മീ​ഷ​ൻ അം​ഗം വി. ​കെ. ബീ​നാ​കു​മാ​രി നി​ർ​ദ്ദേ​ശം ന​ൽ​കി. ജ​ന​ങ്ങ​ളു​ടെ സ​ഞ്ചാ​ര സ്വാ​ത​ന്ത്ര്യ​ത്തെ റോ​ഡി​ന്റെ ശോ​ച​നീ​യാ​വ​സ്ഥ ദോ​ഷ​ക​ര​മാ​യി ബാ​ധി​ക്കു​ന്ന​താ​യി ക​മീ​ഷ​ൻ വി​ല​യി​രു​ത്തി. പൊ​തു​മ​രാ​മ​ത്ത് വ​കു​പ്പ് (റോ​ഡ്സ് വി​ഭാ​ഗം) ഒ​രു മാ​സ​ത്തി​ന​കം അ​ടി​യ​ന്തി​ര പ​രി​ഹാ​ര​മു​ണ്ടാ​ക്ക​ണ​മെ​ന്ന് പൊ​തു​മ​രാ​മ​ത്ത് വ​കു​പ്പ് സെ​ക്ര​ട്ട​റി​യോ​ട്​ ആ​വ​ശ്യ​പ്പെ​ട്ടു.

2018 ലു​ണ്ടാ​യ പ്ര​കൃ​തി​ക്ഷോ​ഭ​ത്തി​ൽ ത​ക​ർ​ന്ന റോ​ഡ് ശ​ബ​രി​മ​ല തീ​ർ​ഥാ​ട​ക​രു​ടെ ഉ​ൾ​പ്പെ​ടെ​യു​ള്ള സു​ഗ​മ​മാ​യ സ​ഞ്ചാ​ര​ത്തി​ന് അ​നു​യോ​ജ്യ​മാ​ക്ക​ണം. കാ​ലാ​കാ​ല​ങ്ങ​ളി​ൽ ത​ദ്ദേ​ശ​സ്വ​യം ഭ​ര​ണ സ്ഥാ​പ​ന​ങ്ങ​ളു​ടെ സ​ങ്കീ​ർ​ണ​മാ​യ സാ​മ്പ​ത്തി​ക സ്ഥി​തി​യി​ൽ​പെ​ട്ട് ന​വീ​ക​ര​ണം ഉ​പേ​ക്ഷി​ക്ക​പ്പെ​ടു​ന്ന സാ​ഹ​ച​ര്യം ഇ​നി​യു​ണ്ടാ​ക​രു​തെ​ന്നും ക​മ്മീ​ഷ​ൻ ഉ​ത്ത​ര​വി​ൽ പ​റ​ഞ്ഞു. വ​ണ്ടി​പ്പെ​രി​യാ​ർ പ​ഞ്ചാ​യ​ത്തി​ലൂ​ടെ ക​ട​ന്നു​പോ​കു​ന്ന 17 കി​ലോ​മീ​റ്റ​റു​ള്ള റോ​ഡി​ന്റെ ന​വീ​ക​ര​ണം ന​ട​ത്താ​ൻ 20 കോ​ടി​യോ​ളം രൂ​പ ആ​വ​ശ്യ​മു​ള്ള​തി​നാ​ൽ റോ​ഡ് പൊ​തു​മ​രാ​മ​ത്ത് വ​കു​പ്പ് ഏ​റ്റെ​ടു​ക്കു​ന്ന​തി​ൽ ത​ട​സ​മി​ല്ലെ​ന്ന് ഇ​ക്ക​ഴി​ഞ്ഞ ഒ​ക്ടോ​ബ​ർ 31 ന് ​പ​ഞ്ചാ​യ​ത്ത് ക​മ്മി​റ്റി തീ​രു​മാ​നി​ച്ച​താ​യി ക​മ്മീ​ഷ​നെ അ​റി​യി​ച്ചു. ഇ​ടു​ക്കി​യി​ലെ ആ​ദ്യ​കാ​ല കു​ടി​യേ​റ്റ ഗ്രാ​മ​ങ്ങ​ലി​ലൊ​ന്നാ​ണ് മ്ലാ​മ​ല. റോ​ഡ് പൊ​തു​മ​രാ​മ​ത്ത് വ​കു​പ്പി​ന്റെ ആ​സ്തി​യി​ൽ വ​രു​ന്ന​ത​ല്ലെ​ന്നും ത​ദ്ദേ​ശ​സ്ഥാ​പ​ന​ങ്ങ​ളു​ടെ കീ​ഴി​ലു​ള്ള റോ​ഡു​ക​ൾ പൊ​തു​മ​രാ​മ​ത്ത് വ​കു​പ്പ് ന​വീ​ക​രി​ക്ക​ണ​മെ​ങ്കി​ൽ സ​ർ​ക്കാ​ർ ത​ല​ത്തി​ൽ തീ​രു​മാ​നം വേ​ണ​മെ​ന്നും പൊ​തു​മ​രാ​മ​ത്ത് വ​കു​പ്പ് ക​മ്മീ​ഷ​നെ അ​റി​യി​ച്ചു. റോ​ഡി​ന്റെ ശോ​ച​നീ​യാ​വ​സ്ഥ കാ​ര​ണം കെ. ​എ​സ്. ആ​ർ. ടി. ​സി. പോ​ലും സ​ർ​വ്വീ​സ് ന​ട​ത്തു​ന്നി​ല്ല. മ്ലാ​മ​ല സ്വ​ദേ​ശി ജോ​മോ​ൻ സി. ​തോ​മ​സ് സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി.