കൂറുമാറ്റം; തൊടുപുഴ നഗരസഭ കൗൺസിലർ മാത്യു ജോസഫിനെ ഹൈകോടതി അയോഗ്യനാക്കി

തൊ​ടു​പു​ഴ: ന​ഗ​ര​സ​ഭ 11ാം വാ​ർ​ഡ് കൗ​ൺ​സി​ല​ർ മാ​ത്യു ജോ​സ​ഫി​നെ കേ​ര​ള ഹൈ​കോ​ട​തി അ​യോ​ഗ്യ​നാ​ക്കി വി​ധി പ്ര​സ്താ​വി​ച്ചു. കേ​ര​ള കോ​ൺ​ഗ്ര​സ് ജോ​സ​ഫ് ഗ്രൂ​പ് സ്ഥാ​നാ​ർ​ഥി​യാ​യി ക​ഴി​ഞ്ഞ ന​ഗ​ര​സ​ഭ കൗ​ൺ​സി​ൽ തെ​ര​ഞ്ഞെ​ടു​പ്പി​ൽ മ​ത്സ​രി​ച്ച്​ വി​ജ​യി​ച്ച മാ​ത്യു ജോ​സ​ഫ് 2021 സെ​പ്റ്റം​ബ​ർ 16ന്​ ​യു.​ഡി.​എ​ഫി​ൽ​നി​ന്ന് സി.​പി.​എ​മ്മി​ലേ​ക്ക്​ കൂ​റു​മാ​റി​യ​തി​നെ തു​ട​ർ​ന്ന് കൗ​ൺ​സി​ല​ർ​മാ​രാ​യ അ​ഡ്വ. ജോ​സ​ഫ് ജോ​ൺ, കെ. ​ദീ​പ​ക് എ​ന്നി​വ​ർ സ​മ​ർ​പ്പി​ച്ച ഹ​ര​ജി​യി​ലാ​ണ് ഹൈ​കോ​ട​തി വി​ധി.

ഹ​ര​ജി​ക്കാ​ർ അ​ഡ്വ. ജോ​സി ജേ​ക്ക​ബ് മു​ഖേ​ന സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ൻ മു​മ്പാ​കെ മാ​ത്യു​വി​നെ അ​യോ​ഗ്യ​നാ​ക്ക​ണ​മെ​ന്ന് ആ​വ​ശ്യ​പ്പെ​ട്ട്​ ഹ​ര​ജി ഫ​യ​ൽ ചെ​യ്തി​രു​ന്നു. എ​ന്നാ​ൽ, മാ​ത്യു ജോ​സ​ഫ് കൂ​റു​മാ​റി​യ സ​മ​യം അ​ദ്ദേ​ഹ​ത്തി​ന് വി​പ്പ് ന​ൽ​കി​യി​രു​ന്നി​ല്ല എ​ന്ന കാ​ര​ണ​ത്താ​ൽ തെ​ര​ഞ്ഞെ​ടു​പ്പ് ക​മീ​ഷ​ൻ ഹ​ര​ജി ത​ള്ളു​ക​യും അ​തി​നെ​തി​രെ ഹ​ര​ജി​ക്കാ​ർ ഹൈ​കോ​ട​തി​യെ സ​മീ​പി​ക്കു​ക​യു​മാ​യി​രു​ന്നു.

കേ​ര​ള കോ​ൺ​ഗ്ര​സ് ജോ​സ​ഫ് ഗ്രൂ​പ് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്ക് തെ​ര​ഞ്ഞെ​ടു​പ്പ് ന​ട​ന്ന സ​മ​യ​ത്ത്​ അം​ഗീ​കൃ​ത രാ​ഷ്ട്രീ​യ പാ​ർ​ട്ടി ആ​യി​രു​ന്നി​ല്ലെ​ന്നും അ​തി​നാ​ൽ ത​ന്നെ കൂ​റു​മാ​റ്റം നി​ല​നി​ൽ​ക്കി​ല്ലെ​ന്നു​മു​ള്ള മാ​ത്യു ജോ​സ​ഫി​ന്‍റെ വാ​ദം ഹൈ​കോ​ട​തി അം​ഗീ​ക​രി​ച്ചി​ല്ല.

ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്ക് തെ​ര​ഞ്ഞെ​ടു​പ്പ് ന​ട​ന്ന വേ​ള​യി​ൽ കേ​ര​ള കോ​ൺ​ഗ്ര​സ് ജോ​സ​ഫ് ഗ്രൂ​പ് ഒ​രു രാ​ഷ്ട്രീ​യ പ്ര​സ്ഥാ​ന​മാ​യി​രു​ന്നു എ​ന്ന് ഹൈ​കോ​ട​തി പ്ര​ഖ്യാ​പി​ച്ചു. അ​തി​നാ​ൽ ജോ​സ​ഫ് ഗ്രൂ​പ് സ്ഥാ​നാ​ർ​ഥി​ക​ളാ​യി മ​ത്സ​രി​ച്ച​വ​ർ മ​റ്റ് രാ​ഷ്ട്രീ​യ പ്ര​സ്ഥാ​ന​ങ്ങ​ളി​ലേ​ക്കോ മ​റ്റ് മു​ന്ന​ണി​യി​ലേ​ക്ക് കൂ​റു​മാ​റി​യാ​ൽ അം​ഗ​ങ്ങ​ൾ അ​യോ​ഗ്യ​രാ​കു​ന്ന​താ​ണ് ഹൈ​കോ​ട​തി വി​ധി.

തെ​ര​ഞ്ഞെ​ടു​ക്ക​പ്പെ​ടു​ന്ന അം​ഗ​ങ്ങ​ൾ കൂ​റു​മാ​റു​ന്ന​തി​ലൂ​ടെ സ​ർ​ക്കാ​ർ ഖ​ജ​നാ​വി​ന് ഉ​ണ്ടാ​വു​ന്ന സാ​മ്പ​ത്തി​ക ന​ഷ്ടം കൂ​റു​മാ​റി​യ​വ​രി​ൽ​നി​ന്ന് ഈ​ടാ​ക്കു​ന്ന​തി​ന് നി​യ​മ​നി​ർ​മാ​ണം ന​ട​ത്തു​ന്ന കാ​ര്യം സം​സ്ഥാ​ന സ​ർ​ക്കാ​ർ പ​രി​ഗ​ണി​ക്ക​ണ​മെ​ന്നും ഹൈ​കോ​ട​തി ജ​സ്റ്റി​സ് ബെ​ച്ചു കു​ര്യ​ൻ തോ​മ​സ് വി​ധി​യി​ൽ നി​ർ​ദേ​ശി​ച്ചു. ഹ​ര​ജി​ക്കാ​ർ​ക്കു​വേ​ണ്ടി അ​ഡ്വ. കെ.​സി. വി​ൻ​സ​ന്‍റ്, അ​ഡ്വ. മാ​ത്യു കു​ഞ്ച​ത്ത്, അ​ഡ്വ. ജോ​സി ജേ​ക്ക​ബ് എ​ന്നി​വ​ർ ഹാ​ജ​രാ​യി.