നാട്ടുകാർക്ക്​ ദുരിതമായി ടൈൽ വിരിക്കൽ

തൊ​ടു​പു​ഴ: ത​ക​ര്‍ന്നു​കി​ട​ക്കു​ന്ന തെ​ക്കും​ഭാ​ഗം-​അ​ഞ്ചി​രി റോ​ഡി​ലെ ഇ​ട​ക്കി​ട​ക്കു​ള്ള ടൈ​ൽ വി​രിക്ക​ൽ നാ​ട്ടു​കാ​ര്‍ക്ക്​ ദു​രി​തം വി​ത​ക്കു​ന്നു. ര​ണ്ടു​വ​ര്‍ഷ​ത്തി​നി​ടെ ര​ണ്ടു​മാ​സം കൂ​ടു​മ്പോ​ള്‍ ഏ​താ​നും മീ​റ്റ​ര്‍ ദൂ​ര​ത്തി​ല്‍ ടൈ​ല്‍ വി​രി​ക്കു​ക​യാ​ണെ​ന്നാ​ണ്​ ആ​ക്ഷേ​പം. വീ​ണ്ടും ഏ​താ​നും മാ​സം ക​ഴി​യു​മ്പോ​ള്‍ കു​റേ മീ​റ്റ​ര്‍ ടൈ​ല്‍ വി​രി​ക്കും.

ഇ​തി​ന്റെ പേ​രി​ല്‍ ഇ​തു​വ​ഴി​യു​ള്ള ഗ​താ​ഗ​തം ദി​വ​സ​ങ്ങ​ളോ​ളം ത​ട​സ്സ​പ്പെ​ടു​ന്ന​താ​ണ് നാ​ട്ടു​കാ​രെ ദു​രി​ത​ത്തി​ലാ​ക്കു​ന്ന​ത്. ഇ​പ്പോ​ള്‍ കു​ട്ട​പ്പ​ന്‍ ക​വ​ല​ക്ക്​ സ​മീ​പം ടൈ​ല്‍ പാ​ക​ലി​ന്റെ പേ​രി​ല്‍ ഗ​താ​ഗ​തം ത​ട​ഞ്ഞി​രി​ക്കു​ക​യാ​ണ്. ഇ​തോ​ടെ സ്‌​കൂ​ള്‍ ബ​സു​ക​ളു​ടെ​യും സ​ര്‍വി​സ് ബ​സു​ക​ളു​ടെ​യും യാ​ത്ര നി​ല​ക്കു​ന്ന അ​വ​സ്ഥ​യാ​യി.

സ്‌​കൂ​ളു​ക​ളി​ല്‍ പോ​കു​ന്ന കൊ​ച്ചു കു​ട്ടി​ക​ള്‍ ഉ​ള്‍പ്പെ​ടെ​യു​ള്ള വി​ദ്യാ​ര്‍ഥി​ക​ളാ​ണ് ഇ​തു​മൂ​ലം ദു​രി​തം അ​നു​ഭ​വി​ക്കു​ന്ന​ത്. ഇ​പ്പോ​ള്‍ കു​ട്ടി​ക​ളെ ബ​സി​ല്‍ ക​യ​റ്റാ​ൻ ര​ക്ഷി​താ​ക്ക​ള്‍ മൂ​ന്നും നാ​ലും കി​ലോ​മീ​റ്റ​ര്‍ വ​രെ മ​റ്റ് വാ​ഹ​ന​ങ്ങ​ളി​ല്‍ പോ​ക​ണം. ക​ഴി​ഞ്ഞ​യാ​ഴ്ച ടൈ​ല്‍ വി​രി​ക്ക​ല്‍ ആ​രം​ഭി​ച്ച ഘ​ട്ട​ത്തി​ല്‍ ര​ക്ഷി​താ​ക്ക​ളു​ടെ അ​ഭ്യ​ര്‍ഥ​ന​യെ തു​ട​ര്‍ന്ന് സ്‌​കൂ​ള്‍ ബ​സു​ക​ള്‍ മാ​ത്രം ക​ട​ന്നു​പോ​കാ​ന്‍ അ​വ​സ​രം ന​ല്‍കി​യി​രു​ന്നു.

എ​ന്നാ​ല്‍, ഇ​ന്ന​ലെ മു​ത​ല്‍ ഇ​തു​വ​ഴി വാ​ഹ​ന ഗ​താ​ഗ​തം പൂ​ര്‍ണ​മാ​യും ത​ട​ഞ്ഞു. ഇ​തി​നി​ടെ അ​ഞ്ചു​മാ​സം മു​മ്പ്​ ടൈ​ല്‍ വി​രി​ച്ച ഒ​രു​ഭാ​ഗം കു​ഴി​യാ​യി വെ​ള്ളം കെ​ട്ടി​ക്കി​ട​ക്കു​ക​യാ​ണ്. അ​ഞ്ചി​രി ട്രാ​ന്‍സ്‌​ഫോ​ർ​മ​റി​ന്​ സ​മീ​പ​മാ​ണ് റോ​ഡി​ന്റെ ഒ​രു​ഭാ​ഗ​ത്ത് ടൈ​ല്‍ കു​ഴി​യാ​യി വെ​ള്ള​ക്കെ​ട്ടാ​യി മാ​റി​യ​ത്.