കുരച്ച്​ പാഞ്ഞ്​ നായ്ക്കൾ; പകച്ച്​ ജനം

തൊ​ടു​പു​ഴ: കു​ര​ച്ച്​ പാ​ഞ്ഞെ​ത്തു​ന്ന നാ​യ്ക്ക​ളു​​ടെ മു​ന്നി​ൽ പ​ക​ച്ച്​ നി​ൽ​ക്കു​ക​യാ​ണ് കാ​ൽ​ന​ടക്കാ​ര​ട​ക്ക​മു​ള്ള​വ​ർ. കൈ​യി​ൽ എ​ന്തെ​ങ്കി​ലും സാ​ധ​ന​ങ്ങ​ളു​മാ​യാ​ണ്​ വ​രു​ന്ന​തെ​ങ്കി​ൽ മ​ണ​ത്ത്​ പി​ന്നാ​ലെ കൂ​ടും.വേഗം കൂ​ട്ടി​യാ​ൽ മു​ര​ണ്ട്​ തു​ട​ങ്ങും. അ​വി​ട​വി​ട​ങ്ങ​ളി​ലാ​യി നി​ൽ​ക്കു​ന്ന നാ​യ്ക്ക​ളും പി​റ​കെ കൂ​ടും. ഭ​യ​ന്ന്​ ഓ​ടി മാ​റാ​ൻ നോ​ക്കി​യാ​ൽ ​ ക​ടി ഉ​റ​പ്പ്.റോ​ഡി​ലൂ​ടെ​യും മ​റ്റും ന​ട​ന്നു പോ​കു​ന്ന യാ​ത്ര​ക്കാ​ർ​ക്ക്​ നാ​യ്ക്ക​ളെ ക​ണ്ടാ​ൽ ഇ​പ്പോ​ൾ നെ​ഞ്ചി​ടി​പ്പാ​ണ്. അ​ത്ര​ക്കു​ണ്ട്​ ജി​ല്ല​യി​ൽ നാ​യ്ക്ക​ളു​ടെ അ​തി​ക്ര​മം. ഞാ​യ​റാ​ഴ്ച മാ​ത്രം 21 പേ​ർ​ക്കാ​ണ്​ ജി​ല്ല​യി​ൽ വ​ള​ർ​ത്തു നാ​യ്ക്ക​ളു​ടെ​യും തെ​രു​വ്​ നാ​യ്ക്ക​ളു​ടെ​യും ഉ​ൾ​പ്പെ​ടെ ക​ടി​യേ​റ്റ​ത്. നാ​യ്​​ക്ക​ളു​ടെ ക​ടി​യേ​റ്റ് ജി​ല്ല​യി​ലെ സ​ര്‍ക്കാ​ര്‍ ആ​ശു​പ​ത്രി​ക​ളി​ല്‍ ര​ണ്ടാ​ഴ്ച​ക്കി​ടെ ചി​കി​ത്സ തേ​ടി എ​ത്തി​യ​വ​ര്‍ 304 പേ​രാ​ണ്.

ക​ഴി​ഞ്ഞ ദി​വ​സം വ​ണ്ടി​പ്പെ​രി​യാ​റി​ൽ തെ​രു​വു​നാ​യു​ടെ ക​ടി​യേ​റ്റ് ര​ണ്ട് കു​ട്ടി​ക​ള്‍ക്കാ​ണ്​ പ​രി​ക്കേ​റ്റ​ത്. വ​ണ്ടി​പ്പെ​രി​യാ​ര്‍ ജ​ങ്​​ഷ​നി​ലും മി​നി സ്റ്റേ​ഡി​യ​ത്തി​നു സ​മീ​പ​വും ക​ളി​ച്ചു​കൊ​ണ്ടി​രു​ന്ന കു​ട്ടി​ക​ളെ​യാ​ണ് തെ​രു​വു നാ​യ ആ​ക്ര​മി​ച്ച​ത്. വ​ണ്ടി​പ്പെ​രി​യാ​ര്‍ മ​ഞ്ജു​മ​ല സ്വ​ദേ​ശി​യാ​യ ശ​ര​വ​ണ​ന്‍റെ മ​ക​ള്‍ മി​നി (മൂ​ന്ന്), വ​ള്ള​ക്ക​ട​വ് സ്വ​ദേ​ശി ആ​ലോ​കി​ന്റെ മ​ക​ള്‍ നി​ഹ (അ​ഞ്ച്) എ​ന്നി കു​ട്ടി​ക​ള്‍ക്കാ​ണ് പ​രി​ക്കേ​റ്റ​ത്.മാ​താ​പി​താ​ക്ക​ള്‍ക്കൊ​പ്പം പ​ശു​മ​ല ജ​ങ്​​ഷ​ന് സ​മീ​പം റോ​ഡ​രി​കി​ല്‍ ക​ളി​ച്ചു​കൊ​ണ്ടി​രു​ന്ന​പ്പോ​ഴാ​ണ് മൂ​ന്നു വ​യ​സു​കാ​രി​യു​ടെ മു​ഖ​ത്ത് തെ​രു​വു നാ​യ ക​ടി​ച്ച​ത്. നി​ഹ മി​നി സ്റ്റേ​ഡി​യ​ത്തി​നു സ​മീ​പം ക​ളി​ക്കു​ക​യാ​യി​രു​ന്നു. ഇ​രു​വ​രെ​യും വ​ണ്ടി​പ്പെ​രി​യാ​ര്‍ പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തി​ല്‍ എ​ത്തി​ച്ച് ചി​കി​ത്സ ന​ല്‍കി. സാ​ര​മാ​യി പ​രി​ക്കേ​റ്റ മി​നി​യെ പി​ന്നീ​ട് കോ​ട്ട​യം മെ​ഡി​ക്ക​ല്‍ കോ​ള​ജി​ലേ​ക്ക്​ മാ​റ്റു​ക​യാ​യി​രു​ന്നു.

നായ്​ ഭീതിയിൽ തൂക്കുപാലം

നെ​ടു​ങ്ക​ണ്ടം: നാ​യ്​​ക്ക​ളു​ടെ വി​ഹാ​ര​കേ​ന്ദ്ര​മാ​യി തൂ​ക്കു​പാ​ലം ടൗ​ൺ. തെ​രു​വ്​ നാ​യ്​​ക്ക​ൾ​ക്കൊ​പ്പം വ​ള​ർ​ത്തു​നാ​യ്​​ക്ക​ളും കൂ​ടി​യ​തോ​ടെ ജ​നം ഭീ​തി​യി​ലാ​ണ്. ഏ​താ​നും ദി​വ​സം മു​മ്പാ​ണ്​ 50ഓ​ളം ​വ​ള​ർ​ത്തു​നാ​യ്​​ക്ക​ളെ മാ​ർ​ക്ക​റ്റി​ൽ കൊ​ണ്ടു​വ​ന്ന്​ ഉ​പേ​ക്ഷി​ച്ച​ത്.ഉ​ട​മ​ക​ളെ തി​ര​ഞ്ഞ്​ ടൗ​ണി​ലൂ​ടെ അ​ല​യു​ന്ന ഇ​വ തെ​രു​വ്​ നാ​യ്​​ക്ക​ളു​മാ​യി ക​ടി​പി​ടി കൂ​ടു​ക​യാ​ണ്. വ​ള​ർ​ത്തു​നാ​യ്​​ക്ക​ളെ വ​ന്ധ്യം​ക​ര​ണ​ത്തി​നാ​യി പി​ടി​ച്ചു​കൊ​ണ്ടു​പോ​യ ശേ​ഷം തി​രി​കെ മാ​ര്‍ക്ക​റ്റി​ല്‍ ഉ​പേ​ക്ഷി​ച്ച​താ​ണോ എ​ന്നും സം​ശ​യ​മു​ണ്ട്. തെ​രു​വ് നാ​യ്ക്ക​ളെ​ക്കാ​ള്‍ ആ​ക്ര​മ​ണ​കാ​രി​ക​ളാ​ണ് ഈ ​വ​ള​ര്‍ത്തു നാ​യ്ക്ക​ളെ​ന്നാ​ണ് തൂ​ക്കു​പാ​ലം നി​വാ​സി​ക​ള്‍ പ​റ​യു​ന്നു.

അ​മ്പ​തേ​ക്ക​ര്‍ ഭാ​ഗ​ത്ത് നൂ​റോ​ളം നാ​യ്ക്ക​ളെ സ്വ​കാ​ര്യ വ്യ​ക്തി വ​ള​ര്‍ത്തു​ന്ന​താ​യി അ​റി​ഞ്ഞ് ലൈ​സ​ന്‍സും മ​റ്റും എ​ടു​ക്ക​ണ​മെ​ന്ന് പ​ഞ്ചാ​യ​ത്ത് അ​ധി​കൃ​ത​ര്‍ ഏ​താ​നും ദി​വ​സം മു​മ്പ്​ നി​ർ​ദേ​ശി​ച്ചി​രു​ന്നു.കൂ​ട്ട​ത്തോ​ടെ എ​ത്തു​ന്ന നാ​യ്ക്ക​ള്‍ നാ​ട്ടു​കാ​രെ ക​ടി​ക്കാ​ന്‍ പാ​യു​ന്ന​തും ഭീ​തി വി​ത​ക്കു​ന്നു. മാ​സ​ങ്ങ​ള്‍ക്ക് മു​മ്പ് തൂ​ക്കു​പാ​ല​ത്തും നെ​ടു​ങ്ക​ണ്ട​ത്തും തേ​ര്‍ഡ് ക്യാ​മ്പി​ലു​മാ​യി നി​ര​വ​ധി പേ​രെ തെ​രു​വു​നാ​യ്​ ക​ടി​ച്ചി​രു​ന്നു. നാ​യ്​ ശ​ല്യം ടൗ​ണി​ല്‍ രൂ​ക്ഷ​മാ​യ​തോ​ടെ യാ​ത്ര​ക്കാ​ര്‍ക്ക് വ​ഴി ന​ട​ക്കാ​ന്‍ ക​ഴി​യാ​ത്ത അ​വ​സ്ഥ​യാ​ണ്.