റോഡിൽ പൊലിഞ്ഞ്​ ജീവനുകൾ...

തൊ​ടു​പു​ഴ: ജി​ല്ല​യി​ലെ നി​ര​ത്തു​ക​ളി​ൽ പൊ​ലി​യു​ന്ന ജീ​വ​നു​ക​ളു​ടെ എ​ണ്ണം വ​ർ​ധി​ക്കു​ന്നു. മൂ​ന്ന്​ മാ​സ​ത്തി​നി​ടെ 13 പേ​രാ​ണ്​ വാ​ഹ​നാ​പ​ക​ട​ങ്ങ​ളി​ൽ മ​രി​ച്ച​ത്​. ജ​നു​വ​രി മു​ത​ൽ മാ​ർ​ച്ച്​ വ​രെ​യു​ള്ള ക​ണ​ക്കാ​ണി​ത്. ഏ​പ്രി​ലി​ൽ ക​ഴി​ഞ്ഞ ഒ​രാ​ഴ്ച​ക്കി​ടെ മ​രി​ച്ച​ത്​ ഒ​രു കു​ട്ടി​യു​ൾ​പ്പെ​ടെ നാ​ല്​ പേ​രാ​ണ്.മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് ഇ​തു​വ​രെ​ ജി​ല്ല​യി​ൽ വാ​ഹ​നാ​പ​ക​ട മ​ര​ണ​ങ്ങ​ളി​ലെ വ​ർ​ധ​ന​വാ​ണ്​ ​ ചൂ​ണ്ടി​ക്കാ​ട്ടു​ന്ന​ത്. വാ​ഹ​ന​ങ്ങ​ളു​ടെ അ​മി​ത വേ​ഗം, അ​ശ്ര​ദ്ധ​മാ​യ ഡ്രൈ​വി​ങ് എ​ന്നി​വ​യാ​ണ് അ​പ​ക​ട​ങ്ങ​ളു​ടെ പ്ര​ധാ​ന കാ​ര​ണ​മാ​യി ചൂ​ണ്ടി​ക്കാ​ട്ട​പ്പെ​ടു​ന്ന​ത്. ഇ​ടു​ക്കി​യു​ടെ ഭൂ ​പ്ര​കൃ​തി​യു​ടെ പ്ര​ത്യേ​ക​ത​യും അ​പ​ക​ട സാ​ധ്യ​ത കൂ​ട്ടു​ന്നു.

മാ​ർ​ച്ചി​ൽ മാ​ങ്കു​ള​ത്തെ ന​ടു​ക്കി​യ അ​പ​ക​ട​ത്തി​ൽ ഒ​രു കു​ഞ്ഞ​ട​ക്കം മൂ​ന്നു പേ​രാ​ണ്​ മ​രി​ച്ച​ത്. മാ​ങ്കു​ള​ത്തി​ന്‍റെ മ​നോ​ഹാ​രി​ത ആ​ശ്വ​സി​ച്ച്​ മ​ട​ങ്ങി​യ ത​മി​ഴ്​​നാ​ട്ടി​ൽ നി​ന്നു​ള്ള വി​നോ​ദ​സ​ഞ്ചാ​രി​ക​ളാ​ണ്​ അ​പ​ക​ട​ത്തി​ൽ​പ്പെ​ട്ട​ത്. ആ​ന​ക്കു​ള​ത്തി​ന​ടു​ത്ത്​ പേ​മ​രം വ​ള​വി​ൽ നി​യ​ന്ത്ര​ണം വി​ട്ട വാ​ൻ കൊ​ക്ക​യി​ലേ​ക്ക്​ മ​റി​ഞ്ഞ്​ ഒ​രു വ​യ​സു​ള്ള കു​ഞ്ഞ​ട​ക്ക​മാ​ണ്​​ മ​രി​ച്ച​ത്. വാ​ൻ ക്രാ​ഷ്​ ബാ​രി​യ​ർ ത​ക​ർ​ത്ത്​ 200 അ​ടി താ​ഴ്ച​യി​ലേ​ക്ക്​ മ​റി​യു​ക​യാ​യി​രു​ന്നു. ര​ണ്ട്​ ദി​വ​സം മു​ൻ​പ്​ ത​മി​ഴ്‌​നാ​ട്ടി​ല്‍ നി​ന്നു​ള്ള വി​നോ​ദ സ​ഞ്ചാ​രി​ക​ള്‍ സ​ഞ്ച​രി​ച്ച മി​നി ബ​സ് നി​യ​ന്ത്ര​ണം വി​ട്ടു മ​റി​ഞ്ഞു​ണ്ടാ​യ അ​പ​ക​ട​ത്തി​ൽ എ​ഴു​വ​യ​സു​കാ​രി​യും അ​മ്മ​യും മ​രി​ച്ചു. 15 പേ​ര്‍ക്കാ​ണ്​ പ​രി​ക്കേ​റ്റ​ത്. ത​മി​ഴ്‌​നാ​ട്ടി​ലെ ശി​വ​ഗം​ഗ​യി​ല്‍ നി​ന്നും മൂ​ന്നാ​ര്‍ സ​ന്ദ​ര്‍ശ​ന​ത്തി​നെ​ത്തി​യ​താ​യി​രു​ന്നു 21 അം​ഗ സം​ഘം. ഞാ​യ​റാ​ഴ്ച രാ​ത്രി കു​മ​ളി​യി​ൽ ബൈ​ക്ക്​ ജീ​പ്പു​മാ​യി കൂ​ട്ടി​യി​ടി​ച്ച്​ ര​ണ്ടു പേ​രാ​ണ്​ മ​രി​ച്ച​ത്.

കു​ത്ത​നെ​യു​ള്ള ക​യ​റ്റി​റ​ക്ക​ങ്ങ​ളും കൊ​ടും വ​ള​വു​ക​ളും നി​റ​ഞ്ഞ ഇ​ടു​ക്കി​യി​ലെ റോ​ഡു​ക​ളി​ൽ അ​പ​ക​ട​ങ്ങ​ൾ പ​തി​യി​രി​ക്കു​ന്ന ഒ​ട്ടേ​റെ​യി​ട​ങ്ങ​ളു​ണ്ട്. ഹൈ​റേ​ഞ്ചി​ലെ റോ​ഡു​ക​ൾ​ക്ക്​ ആ​വ​ശ്യ​മാ​യ വീ​തി​യോ വ​ശ​ങ്ങ​ളി​ൽ സം​ര​ക്ഷ​ണ ഭി​ത്തി​ക​ളോ ഇ​ല്ല. അ​പ​ക​ട​സാ​ധ്യ​ത​യേ​റി​യ മേ​ഖ​ല​ക​ളി​ൽ​പ്പോ​ലും വേ​ണ്ട​ത്ര അ​പ​ക​ട​സൂ​ച​നാ ബോ​ർ​ഡു​ക​ളും മ​റ്റും ഇ​നി​യും സ്‌​ഥാ​പി​ച്ചി​ട്ടു​മി​ല്ല. മ​റ്റ്​ സം​സ്ഥാ​ന​ങ്ങ​ളി​ൽ നി​ന്ന്​ എ​ത്തു​ന്ന വാ​ഹ​ന ഡ്രൈ​വ​ർ​മാ​ർ​ക്ക്​ പ​ല​പ്പോ​ഴും ഹൈ​ഞ്ചേി​ലെ റോ​ഡു​ക​ളെ​ക്കു​റി​ച്ച്​ വേ​ണ്ട​ത്ര അ​റി​വി​ല്ലാ​ത്ത​തും അ​പ​ക​ട​ങ്ങ​ൾ​ക്കി​ട​യാ​ക്കു​ന്നു​ണ്ട്. ഹൈ​റേ​ഞ്ച് മേ​ഖ​ല​ക​ളി​ലു​ൾ​പ്പെ​ടെ പ​ല​യി​ട​ത്തും റോ​ഡ് ത​ക​ർ​ന്ന് കു​ണ്ടും കു​ഴി​യു​മാ​യി കി​ട​ക്കു​ക​യാ​ണ്. റോ​ഡി​ലെ ഇ​ത്ത​ര​ത്തി​ലു​ള്ള വ​ൻ കു​ഴി​ക​ളി​ൽ ചാ​ടാ​തി​രി​ക്കാ​ൻ വാ​ഹ​ന​ങ്ങ​ൾ വെ​ട്ടി​ക്കു​മ്പോ​ൾ ഉ​ണ്ടാ​കു​ന്ന അ​പ​ക​ട​ങ്ങ​ളും കു​റ​വ​ല്ല. ചി​ല​യി​ട​ങ്ങ​ളി​ൽ കാ​ഴ്‌​ച മ​റ​യ്‌​ക്കും വി​ധം റോ​ഡി​ലേ​ക്ക് കാ​ടും മ​ര​ച്ചി​ല്ല​ക​ളും മ​റ്റും വ​ള​ർ​ന്നു നി​ൽ​ക്കു​ന്ന​തും അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്നു. റോ​ഡു​ക​ളു​ടെ അ​ശാ​സ്ത്രീ​യ നി​ർ​മാ​ണ​വും അ​പ​ക​ട​ങ്ങ​ൾ​ക്കു വ​ഴി​തെ​ളി​ക്കു​ന്ന​താ​യി ആ​രോ​പ​ണ​മു​ണ്ട്. ശ​രാ​ശ​രി ഒ​രു മാ​സം ചെ​റു​തും വ​ലു​തു​മാ​യ അ​ൻ​പ​തോ​ളം റോ​ഡ് അ​പ​ക​ട​ങ്ങ​ൾ ജി​ല്ല​യി​ൽ ഉ​ണ്ടാ​കു​ന്നു​വെ​ന്നാ​ണ് ക​ണ​ക്കു​ക​ൾ.