പട്ടയത്തിനായി അമ്മിണി സമരത്തിനെത്തി, തഹസിൽദാറുടെ ഉറപ്പിൽ മടങ്ങി

തൊ​ടു​പു​ഴ: കൈ​വ​ശ​മു​ള്ള വ​സ്തു​വി​ന് പ​ട്ട​യം കി​ട്ടാ​ൻ ന​വ​കേ​ര​ള സ​ദ​സ്സി​ൽ പ​രാ​തി ന​ൽ​കി​യി​ട്ടും ന​ട​പ​ടി​യു​ണ്ടാ​കാ​ത്ത​തി​ൽ പ്ര​തി​ഷേ​ധി​ച്ച്​ താ​ലൂ​ക്ക്​ ഓ​ഫി​സി​നു മു​ന്നി​ൽ കു​ത്തി​യി​രി​പ്പ്​ സ​മ​ര​ത്തി​നെ​ത്തി​യ വ​യോ​ധി​ക​യു​ടെ പ്ര​ശ്ന​ത്തി​ൽ പ​രി​ഹാ​ര സാ​ധ്യ​ത തെ​ളി​യു​ന്നു. ആ​ല​ക്കോ​ട് ക​ല​യ​ന്താ​നി കു​റി​ച്ചി​പ്പാ​ടം ആ​ല​യ്ക്ക​ല്‍ അ​മ്മി​ണി (73)യു​മാ​യി തൊ​ടു​പു​ഴ ത​ഹ​സി​ൽ​ദാ​ർ ന​ട​ത്തി​യ ച​ർ​ച്ച​യി​ലാ​ണ്​ പ്ര​ശ്ന​പ​രി​ഹാ​ര സാ​ധ്യ​ത തെ​ളി​ഞ്ഞ​ത്. ത​ഹ​സി​ൽ​ദാ​രു​ടെ ഉ​റ​പ്പി​ൽ അ​മ്മി​ണി മ​ട​ങ്ങി.

ബു​ധ​നാ​ഴ്ച മു​ത​ൽ സ​മ​രം ന​ട​ത്താ​നാ​യി​രു​ന്നു അ​മ്മി​ണി​യു​ടെ തീ​രു​മാ​നം.

താ​ൻ താ​മ​സി​ക്കു​ന്ന സ്ഥ​ല​ത്തി​ന്​ പ​ട്ട​യ​ത്തി​നാ​യി 2003ൽ ​അ​പേ​ക്ഷ ന​ൽ​കി​യ​താ​ണെ​ന്നും 1975 മു​ത​ല്‍ ക​ല​യ​ന്താ​നി പാ​ത്തി​ക്ക​പ്പാ​റ ഭാ​ഗ​ത്ത് സ​ര്‍ക്കാ​ര്‍ ത​രി​ശ് ഭൂ​മി​യി​ല്‍ കു​ടി​ല്‍കെ​ട്ടി താ​മ​സി​ച്ചു​വ​രി​ക​യാ​യി​രു​ന്നു​വെ​ന്നും ഇ​വ​ർ പ​റ​യു​ന്നു. പ​ട്ട​യം ആ​വ​ശ്യ​പ്പെ​ട്ട്​ ന​വ​കേ​ര​ള സ​ദ​സ്സി​ലും പ​രാ​തി ന​ൽ​കി​യി​രു​ന്നു. ബു​ധ​നാ​​ഴ്ച​ത​ന്നെ ത​ഹ​സി​ൽ​ദാ​ർ പ്ര​ത്യേ​ക സം​ഘ​ത്തെ അ​യ​ച്ച്​ ഇ​വ​രു​ടെ ഭൂ​മി അ​ള​ന്നു.

എ​ന്നാ​ൽ, വീ​ടി​നു മു​ന്നി​ലെ സ്ഥ​ലം അ​യ​ൽ​വാ​സി മ​തി​ൽ​കെ​ട്ടി തി​രി​ച്ചി​ട്ടു​ണ്ടെ​ന്നും 10 സെ​ന്‍റി​ന്‍റെ പ​ട്ട​യ​ത്തി​നാ​ണ്​ അ​മ്മി​ണി അ​പേ​ക്ഷ ന​ൽ​കി​യ​തെ​ങ്കി​ലും ര​ണ്ട​ര സെ​ന്‍റ്​ മാ​ത്ര​മേ അ​ള​വി​ൽ കാ​ണാ​ൻ ക​ഴി​ഞ്ഞു​ള്ളു​വെ​ന്നും ത​ഹ​സി​ൽ​ദാ​ർ പ​റ​യു​ന്നു.

ത​ന്‍റെ സ്ഥ​ലം അ​യ​ൽ​വാ​സി കൈ​യേ​റി ഷെ​ഡ്​ കെ​ട്ടി​യെ​ന്നാ​ണ്​ അ​മ്മി​ണി​യു​ടെ പ​രാ​തി. അ​മ്മി​ണി പ​ട്ട​യ​ത്തി​നാ​യി ന​ൽ​കി​യ അ​പേ​ക്ഷ​പ്ര​കാ​രം 2020ൽ ​ത​ഹ​സി​ൽ​മാ​നും സ​ർ​വേ​യ​റും കൂ​ടി അ​ള​ക്കാ​ൻ ചെ​ന്ന​പ്പോ​ൾ അ​യ​ൽ​വാ​സി​ക​ളാ​യ ര​ണ്ടു​പേ​ർ ത​ട​സ്സ​പ്പെ​ടു​ത്തി​യ​തി​നാ​ൽ അ​ള​വ്​ പൂ​ർ​ത്തി​യാ​​ക്കാ​തെ മ​ട​ങ്ങേ​ണ്ടി​വ​രി​ക​യാ​യി​രു​ന്നു. ത​നി​ക്ക്​ പ​ട്ട​യം കി​ട്ടി​യ ഭൂ​മി​യാ​ണെ​ന്നാ​യി​രു​ന്നു അ​യ​ൽ​വാ​സി​യു​ടെ വാ​ദം.

എ​ന്നാ​ൽ, ത​ങ്ങ​ള്‍ക്കെ​തി​രേ എ​തി​ര്‍ക​ക്ഷി​ക​ള്‍ കോ​ട​തി​യി​ല്‍ വ്യാ​ജ പ​രാ​തി ന​ല്‍കി​യ​താ​യും അ​മ്മി​ണി പ​റ​യു​ന്നു. ഭ​ര്‍ത്താ​വ് കൊ​ച്ച് കു​ഞ്ഞ് 2017ല്‍ ​മ​രി​ച്ചു. ഭ​ര്‍ത്താ​വി​ന്റെ സം​സ്‌​കാ​ര ച​ട​ങ്ങ്​ പോ​ലും എ​തി​ര്‍ ക​ക്ഷി​ക​ള്‍ ത​ട​യാ​ന്‍ ശ്ര​മി​ച്ചു​വെ​ന്നാ​ണ്​ അ​മ്മി​ണി പ​റ​യു​ന്ന​ത്.

വ​സ്തു സം​ബ​ന്ധ​മാ​യി തൊ​ടു​പു​ഴ മു​നി​സി​ഫ്​ കോ​ട​തി​യി​ൽ കേ​സു​ണ്ടെ​ന്നും വി​ധി​യു​ടെ അ​ടി​സ്ഥാ​ന​ത്തി​ൽ എ​ത്ര​യും വേ​ഗം അ​മ്മി​ണി​ക്ക്​ പ​ട്ട​യം ന​ൽ​കു​മെ​ന്നും ത​ഹ​സി​ൽ​ദാ​ർ ‘മാ​ധ്യ​മ’​ത്തോ​ട്​ പ​റ​ഞ്ഞു. അ​യ​ൽ​വാ​സി​ക​ളു​ടെ പ​ട്ട​യം സാ​ധു​വാ​ണോ എ​ന്ന്​ പ​രി​ശോ​ധി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.